Í fjárlagafrumvarpi fyrir árið 2012 voru heildargjöld áætluð 539,2 mia.kr. Við afgreiðslu frumvarpsins á Alþingi hækkuðu útgjöldin um 4,5 mia.kr. og nema útgjaldaheimildir A–hluta ríkissjóðs því samtals 543,7 mia.kr. í fjárlögum fyrir árið 2012.

Í fjárlagafrumvarpinu var gert ráð fyrir að frumgjöld yrðu um 460,8 mia.kr. eða sem svaraði til 26,2% af landsframleiðslu ársins 2012 eins og hún var áætluð samkvæmt þjóðhagsspá Hagstofunnar sem birt var í júlí síðastliðnum. Við 2. og 3. umræðu hækkaði útgjaldahlið frumvarpsins um 5,1 mia.kr. á rekstrargrunni að frátöldum vaxtagjöldum sem lækkuðu um 591 m.kr. Á næsta ári er áætlað að frumútgjöld verði 26,4% af landsframleiðslu og hækka þau því um 0,25% frá frumvarpi. Í töflunni hér að neðan má sjá hagræna skiptingu útgjalda í fjárlagafrumvarpinu, fjárlögum ársins 2012 og breytingar útgjalda við 2. og 3. umræðu.

Rekstrarútgjöld hækka um 4,6 mia.kr. og vegur þar þyngst 1,6 mia.kr. kostnaður við kjarasamninga sem gerðir voru eftir 1. júlí sl. umfram það sem þegar hafði verið reiknað með í fjárlagafrumvarpinu, en þar munar mest um kjarasamninga við félög lækna og lögreglumanna. Veittar eru 1 mia.kr. auknar fjárheimildir til Fjármálaeftirlitsins og Umboðsmanns skuldara vegna aukinna verkefna stofnananna en einnig er dregið úr aðhaldskröfum heilbrigðisstofnana og spítala um 468 m.kr. Á móti vegur 1 mia.kr. lækkun á fjárheimild vegna ófyrirséðra útgjalda þar sem minni óvissa ríkir um forsendur fjárlaga. Er það gert með hliðsjón af því að forsendur nær allra kjarasamninga við félög ríkisstarfsmanna liggja nú fyrir og hafa verið metnar inn í fjárveitingar viðkomandi stofnana.

Tilfærsluliðir lækka samtals um 41 m.kr. og vegast þar á ýmis tilefni til hækkunar og lækkunar. Til hækkunar vegur þyngst 620 m.kr. aukin fjárheimild til Atvinnuleysistryggingasjóðs vegna endurmats á þjóðhagsspá Hagstofu Íslands en þar er gert ráð fyrir að atvinnuleysi verði 6,4% í stað 6,0% árið eins og gert var ráð fyrir í frumvarpinu. Einnig vegur til hækkunar 270 m.kr. aukin fjárheimild til LÍN vegna námstengdra úrræða auk þess sem 247 m.kr. aukinni fjárheimild er veitt til endurgreiðslu kvikmyndagerðar á Íslandi. Á móti auknum tilfærsluútgjöldum lækka ýmsir tilfærsluliðir og vegur þar þyngst 1 mia.kr. lækkun fjárheimilda vegna ófyrirséðra útgjalda þar sem minni óvissa ríkir um forsendur fjárlaga í kjölfar kjarasamninga eftir 1. júlí. Fjárheimildir Atvinnuleysistryggingasjóðs eru lækkaðar um 894 m.kr. vegna námstengdra vinnumarkaðsúrræða en einnig eru fjárheimildir til Jöfnunarsjóðs sveitarfélaga vegna málefna fatlaðra lækkaðar um 470 m.kr. vegna veikrar stöðu útsvarsstofns.

Aukning á stofnkostnaðar– og viðhaldsliðum nemur um 708 m.kr. Þar munar mest um 300 m.kr. fjárheimild til að endurbyggja brúna yfir Múlakvísl. Einnig er gert ráð fyrir 190 m.kr. framlagi vegna hönnunarkostnaðar á nýju fangelsi og 144 m.kr. framlags við dýpkun á Landeyjarhöfn.

Þá lækka fjármagnstilfærslur um 134 m.kr. sem skýrist að mestu vegna breyttrar framsetningu á fjárheimildum.

Að lokum lækka vaxtagjöld um 591 m.kr. á næsta ári samanborið við áætlun frumvarpsins. Skýrist lækkunin af því að útgáfa óverðtryggðra ríkisbréfa lækkar á árinu 2011 en á móti hækkar útgáfa verðtryggðra ríkisbréfa.

Hér á eftir er nánar gerð grein fyrir breytingum sem gerðar voru á fjárheimildum við 2. og 3. umræðu fjárlagafrumvarpsins.

Eftirfarandi breytingar voru gerðar á framlögum til málefnaflokka æðstu stjórnar ríkisins:

	Frumvarp	Fjárlög	Breyting
	2012	2012
	m.kr.	m.kr.	m.kr.	%
Embætti forseta Íslands	185,4	180,4	-5,0	-3
Alþingi og stofnanir þess	2.793,0	3.131,7	338,7	12
Ríkisstjórn	200,5	237,6	37,1	19
Hæstiréttur	203,5	203,5	0,0	-
Samtals	3.382,4	3.753,2	370,8	11
Greitt úr ríkissjóði	3.382,4	3.753,2	370,8	11
Innheimt af ríkistekjum			0,0	-
Viðskiptahreyfingar	0,0	0,0	0,0	-
Samtals	3.382,4	3.753,2	370,8	11

101 Embætti forseta Íslands.

1.81 Opinberar heimsóknir. Felld er niður 5 m.kr. fjárveiting.

201 Alþingi.

1.01 Alþingiskostnaður. Viðbótarfjárveiting til húsnæðis– og dvalarkostnaðar alþingismanna hækkar um 10 m.kr. og aðrar fastar greiðslur hækka um 28 m.kr.

1.03 Fastanefndir. Veitt er 16 m.kr. framlag til tveggja stöðugilda á nefndasviði.

1.04 Alþjóðasamstarf. Veitt er 25 m.kr. tímabundið framlag til Alþingis vegna tveggja ráðstefna sem haldnar verða á árinu og til eflingar alþjóðastarfs.

1.07 Sérverkefni. Veitt er tímabundið 40 m.kr. framlag til hlutlausrar upplýsingaveitu um Evrópusamstarf að tillögu utanríkismálanefndar.

205 Framkvæmdir á Alþingisreit.

6.55 Framkvæmdir á Alþingisreit. Veitt er 25 m.kr. tímabundið framlag til að halda áfram fornleifagreftri. Mikilvægt er að fresta verkinu ekki frekar þar sem merkar minjar sem grafið hefur verið niður á en tyrft yfir á ný liggja undir skemmdum.

291 Rannsóknarnefndir Alþingis.

1.01 Rannsóknarnefndir Alþingis. Veitt er 140 m.kr. tímabundið framlag í eitt ár fyrir rannsóknarnefndir Alþingis. Rannsóknarnefndirnar eru stofnaðar samkvæmt lögum nr. 68/2011 og tóku tvær nefndir til starfa 1. september 2011, rannsóknarnefnd um starfsemi sparisjóðanna og rannsóknarnefnd um Íbúðalánasjóð. Hvor nefnd er skipuð þremur einstaklingum sem verða í fullu starfi á starfstíma nefndanna. Nefndirnar hafa heimild til að ráða sér til aðstoðar mannafla og fá aðra þá aðstoð sem þær telja nauðsynlega. Samkvæmt þingsályktun um Íbúðalánasjóðsnefndina skal hún skila skýrslu eftir sex mánuði en rannsóknarnefnd um sparisjóðina er ætlað að skila af sér eftir 12 mánuði. Tekinn hefur verið á leigu hluti af 2. hæð hússins á Austurströnd 5 á Seltjarnarnesi. Leigusali er landlæknisembættið, sem hefur húsið á leigu, og er leigan í hlutfalli við leigu sem embættið greiðir. Við val á húsnæðinu var haft í huga að hægt yrði að bæta við húsrými ef þörfin yrði meiri en í fyrstu var áætlað. Nefndirnar réðu í upphafi einn starfsmann sem mun annast margvíslega aðstoð og sameiginlegan rekstur nefndanna. Rannsóknarnefnd um sparisjóðina áætlar að ráða allt að sjö starfsmenn í mislangan tíma og kaupa auk þess að nokkra sérfræðiaðstoð. Þegar hefur verið gengið frá ráðningu fjögurra starfsmanna. Ekki er gert ráð fyrir að rannsóknarnefnd um Íbúðalánasjóð muni ráða sér starfsmenn en hún mun kaupa að nokkra sérfræðiaðstoð.

295 Saksóknari Alþingis.

1.01 Saksóknari Alþingis. Veitt er 12 m.kr. tímabundið framlag vegna kostnaðar við embætti saksóknara Alþingis. Í frumvarpinu er ekki gert ráð fyrir fjárheimild til starfsemi saksóknarans á næsta ári þar sem við undirbúning þess lá ekki fyrir hvort málarekstri fyrir landsdómi yrði lokið fyrir áramótin. Endurskoðuð áætlun miðað við stöðu málsins nú gerir ráð fyrir að starfsemi haldi áfram fram í mars 2012.

301 Ríkisstjórn.

1.01 Ríkisstjórn. Veitt er 37,1 m.kr. fjárveiting á lið ríkisstjórnarinnar vegna fjölgunar aðstoðarmanna ráðherra. Í 22. gr. nýrra laga um Stjórnarráð Íslands, nr. 115/2011, er mælt fyrir um auknar heimildir ráðherra og ríkisstjórnar til að ráða til starfa í ráðuneytum aðstoðarmenn án auglýsingar og jafnframt mælt nánar fyrir um störf þeirra og stöðu innan ráðuneyta. Ríkisstjórnin hefur samþykkt að virkja þetta ákvæði frá og með 1. janúar 2012 með því að nýta heimild ríkisstjórnar til að fjölga aðstoðarmönnum ráðherra. Lagt er til að aðstoðarmönnum fjölgi nú um þrjá og með því eykst heildarfjöldi aðstoðarmanna úr 10 í 13 samtals. Gert er ráð fyrir að hver ráðherra hafi heimild til að ráða einn aðstoðarmann líkt og verið hefur. Auk þess er gert ráð fyrir að einn aðstoðarmaður verði ráðinn til óskiptra verkefna fyrir ríkisstjórnina og verði starfsaðstaða hans í forsætisráðuneytinu. Þá er gert ráð fyrir að velferðarráðherra verði heimilað að ráða einn aðstoðarmann til viðbótar og loks að innanríkisráðherra verði heimilað að ráða aðstoðarmann sem nú gegnir tímabundið starfi í ráðuneytinu. Þannig verða tveir aðstoðarmenn í þremur ráðuneytum og einn í sjö ráðuneytum. Miðlæg umsýsla með launalið ríkisstjórnar vegna ráðherra og aðstoðarmanna þeirra verður áfram miðlæg og í forsætisráðuneytinu. Ríkisstjórnin hefur samþykkt verklag um nýtt aðstoðarmannakerfi í samræmi við ný lög um Stjórnarráð Íslands.

610 Umboðsmaður Alþingis.

1.01 Umboðsmaður Alþingis. Framlag hækkar um 22,7 m.kr. vegna aukinna verkefna.

620 Ríkisendurskoðun.

1.01 Ríkisendurskoðun. Veitt er 20 m.kr. tímabundið viðbótarframlag til reksturs Ríkisendurskoðunar.

Eftirfarandi breytingar voru gerðar á framlögum til málefnaflokka ráðuneytisins:

	Frumvarp	Fjárlög	Breyting
	2012	2012
	m.kr.	m.kr.	m.kr.	%
Ráðuneyti	435,1	423,1	-12,0	-3
Annað	566,8	576,3	9,5	2
Samtals	1.001,9	999,4	-2,5	0
Greitt úr ríkissjóði	990,9	988,4	-2,5	0
Innheimt af ríkistekjum	11,0	11,0	0,0	-
Viðskiptahreyfingar	0,0	0,0	0,0	-
Samtals	1.001,9	999,4	-2,5	0

101 Forsætisráðuneyti, aðalskrifstofa.

1.01 Forsætisráðuneyti, aðalskrifstofa. Málefni upplýsingasamfélagsins færast frá forsætisráðuneytinu til innanríkisráðuneytisins, en forsætisráðherra og innanríkisráðherra hafa sammælst um þau áform. Við það flyst eitt stöðugildi og 12 m.kr. fjárheimild á milli ráðuneytanna, sem og umsýsla með verkefnum á sviði upplýsingamála. Á þeim 14 árum sem forsætisráðuneytið hefur sinnt upplýsingasamfélagsmálunum hefur orðið gríðarleg þróun á þessu sviði, talsverðar breytingar hafa orðið á skipulagi og verkaskiptingu ráðuneyta og áherslur í málaflokknum hafa skýrst. Miðað við núverandi skipulag Stjórnarráðsins falla verkefni upplýsingasamfélagsins og rafrænnar stjórnsýslu mun betur að verkefnasviði innanríkisráðuneytis en forsætisráðuneytis sem ekki er með önnur sambærileg málefnasvið innan sinna vébanda. Kostir þess að vista málaflokkinn í innanríkisráðuneyti eru m.a. ótvíræð samlegð og skyldleiki við fjarskiptamál og þörf á aukinni samvinnu milli ríkis og sveitarfélaga um upplýsingatæknimál. Mörg erlend samstarfsverkefni, m.a. á vettvangi norrænu ráðherranefndarinnar, OECD og í tengslum við EES–samninginn varða, bæði upplýsingatækni og fjarskipti. Þá má geta þess að í Danmörku og Svíþjóð eru málefni upplýsingasamfélagsins og fjarskipta vistuð í sama ráðuneyti. Verkefnið island.is er nú á ábyrgð Þjóðskrár Íslands sem heyrir undir innanríkisráðuneytið. Eðlilegt er að samráðshópur um island.is (sem nú er á ábyrgð forsætisráðuneytis) og forusta upplýsingasamfélagsmálanna sé í ráðuneyti sem hefur með mál Þjóðskrár Íslands að gera.

902 Þjóðgarðurinn á Þingvöllum.

1.01 Þjóðgarðurinn á Þingvöllum. Framlag til reksturs þjóðgarðsins á Þingvöllum er hækkað um 5,5 m.kr. Samkvæmt nýjustu spám um mikla fjölgun ferðamanna á næsta ári og þar með stóraukna þörf á þjónustu er brýnt að efla landvörslu í þjóðgarðinum á Þingvöllum. Áformað er að bæta einum landverði í hóp þeirra sem fyrir eru en með því móti verður hægt að tryggja að fyrirhugaðar sértekjur skili sér og þjónusta þjóðgarðsins standist þær kröfur sem gerðar eru til hans. Heildarkostnaður við þessa viðbót er um 8 m.kr. en á móti þeirri fjárhæð koma sértekjur og hagræðing og því er fjárheimildin hækkuð um 5,5 m.kr.

6.01 Nýframkvæmdir. Veitt er 4 m.kr. framlag til þjóðgarðsins á Þingvöllum vegna endurútreiknings á gistináttagjaldi.

Eftirfarandi breytingar voru gerðar á framlögum til málefnaflokka ráðuneytisins:

	Frumvarp	Fjárlög	Breyting
	2012	2012
	m.kr.	m.kr.	m.kr.	%
Ráðuneyti	780,5	783,5	3,0	0
Háskólar og rannsóknir	19.844,7	20.430,6	585,9	3
Framhaldsskólar	21.856,1	21.902,7	46,6	0
Grunnskólar	623,4	623,4	0,0	-
Námsaðstoð	8.325,2	8.634,7	309,5	4
Söfn, listastofnanir o.fl.	9.304,7	9.786,2	481,5	5
Annað	1.046,1	969,6	-76,5	-7
Samtals	61.780,7	63.130,7	1.350,0	2
Greitt úr ríkissjóði	60.181,4	61.265,4	1.084,0	2
Innheimt af ríkistekjum	1.599,3	1.865,3	266,0	17
Viðskiptahreyfingar	0,0	0,0	0,0	-
Samtals	61.780,7	63.130,7	1.350,0	2

101 Mennta– og menningarmálaráðuneyti, aðalskrifstofa.

1.01 Mennta– og menningarmálaráðuneyti, aðalskrifstofa. Millifærðar eru á liðinn 3 m.kr. af 02–983–1.10 Ýmis fræðistörf. Um er að ræða samning sem ráðuneytið er aðili að vegna verkefnis um kirkjur Íslands. Millifærslan er hluti af umbótum við styrkveitingar sem unnið hefur verið að að frumkvæði fjárlaganefndar í samvinnu við fagráðuneyti.

201 Háskóli Íslands.

1.01 Háskóli Íslands. Samtals er gert ráð fyrir 702,4 m.kr. hækkun fjárheimildar á þessum lið. Í fyrsta lagi er veitt 250 m.kr. framlag í aldarafmælissjóð Háskóla Íslands í tilefni af 100 ára afmæli skólans. Ríkisstjórnin samþykkti 7. október 2011 að gera tillögu um framlag í sjóðinn. Í frumvarpi til fjáraukalaga 2011 var lagt til 150 m.kr. stofnframlag til sjóðsins. Sérstakur starfshópur, skipaður fulltrúum frá Alþingi, forsætisráðuneytinu, fjármálaráðuneytinu, mennta– og menningarmálaráðuneytinu og Háskóla Íslands, var settur á fót og hefur hann metið og gert tillögur um framlög í aldarafmælissjóðinn á árunum 2012–2020. Markmið sjóðsins er að efla rannsóknir og nýsköpun sem nýtast muni til uppbyggingar atvinnulífs og verðmætasköpunar í þágu íslensks samfélags og þjóðar. Stjórnvöld hafa samþykkt að veita 1.500 m.kr. í sjóðinn á tímabilinu 2011–2014. Framlagið skiptist þannig: 150 m.kr. árið 2011, 250 m.kr. árið 2012, 400 m.kr. árið 2013 og 700 m.kr. árið 2014. Jafnframt var samþykkt að á árinu 2013 yrði unnin áætlun um framlög í aldarafmælissjóðinn fyrir árin 2015–2020 með hliðsjón af hagvexti hér á landi og stöðu ríkisfjármála. Í öðru lagi hækkar fjárheimild skólans um 225 m.kr. Fjárheimildin verður fjármögnuð með hækkun skrásetningargjalda úr 45 þús. kr. fyrir hvert kennsluár í 60 þús. kr. frá og með háskólaárinu 2012–2013. Um 15.000 námsmenn stunda nám við Háskóla Íslands og því má áætla að ríkistekjur skólans hækki um allt að 225 m.kr. Ólíkt því sem á við um flestöll önnur gjöld fyrir opinbera þjónustu hafa skrásetningargjöld ríkisrekinna háskóla ekki verið hækkuð frá árinu 2005 þrátt fyrir að allur tilkostnaður við reksturinn hafi aukist verulega vegna launa– og gengishækkana og almennra verðhækkana á aðföngum frá þeim tíma og hefur hlutdeild skrásetningargjalda í fjármögnun skólanna þar með orðið minni. Lagðar verða til breytingar á lögum um opinbera háskóla til samræmis við þetta. Í þriðja lagi eru millifærðar 223,4 m.kr. á liðinn af viðfangsefninu 02–234–1.11 Ritlauna– og rannsóknarsjóður prófessora í samræmi við yfirlýsingu mennta– og menningarmálaráðherra í tilefni þess að kjararáð fjallar ekki lengur um kjör prófessora og ekki verður framvegis fjallað um rétt prófessora til úthlutunar úr ritlauna– og rannsóknasjóði í kjarasamningi. Framlög sem áður voru færð á sérstakt viðfang í fjárlögum eru því færð til ríkisháskólanna. Fjárhæð sem færð er á skólann svarar til hlutdeildar hans í ritlauna– og rannsóknasjóði og launatengdum gjöldum vegna úthlutana úr honum. Í fjórða lagi er 4 m.kr. tímabundið framlag til tveggja ára, sem gert er ráð fyrir í frumvarpinu til að tryggja aðgang íslenskra vísindamanna að norrænu ofurtölvuveri, millifært á liðinn af 02–299–1.90 Háskólastarfsemi. Samið hefur verið um að verkefnið verði rekið á vegum Háskóla Íslands. Miðstöðin mun hýsa og keyra öll vísindagögn norrænna háskóla. Ríkisstjórnin samþykkt á fundi 8. apríl 2011 að gera tillögu um 4 m.kr. framlag árin 2012 og 2013 til reksturs ofurtölvuvers fyrir norræna háskóla hér á landi. Mennta– og menningarmálaráðuneytið leggur 4 m.kr. til verkefnisins á árinu 2011. Íslenskir aðilar tóku þátt í útboði um rekstur ofurtölvumiðstöðvar fyrir vísindarannsóknir á Norðurlöndum. Að undangengnu samkeppnisútboði meðal háskóla á Norðurlöndunum var ákveðið að ofurtölvuverið yrði staðsett á Íslandi. Háskóli Íslands í samstarfi við Thor Datacenter í Hafnarfirði mun annast reksturinn, með hýsingu hjá Thor Datacenter og kerfisþjónustu hjá HÍ. Áætlað er að íslenski hluti verkefnisins fái 15% hlutdeild í tölvuafli versins.

209 Stofnun Árna Magnússonar í íslenskum fræðum.

1.01 Stofnun Árna Magnússonar í íslenskum fræðum. Gert er ótímabundið 10 m.kr. framlag, sem veitt var tímabundið á árunum 2007–2011 til útgáfu rafrænnar orðabókar og falla átti niður á fjárlögum 2012. Framlagið var upphaflega veitt til útgáfu á rafrænni orðabók með 50.000 uppflettiorðum ásamt skýringum á sænsku, norsku og dönsku. Þeim hluta verkefnisins er lokið en mikill áhugi er fyrir áframhaldandi þróun. Borist hefur beiðni frá Finnlandi um að finnska tengdist grunninum auk þess sem áhugi er fyrir því að bæta málum utan Norðurlanda við. Stofnun Árna Magnússonar er þröngur stakkur búinn eftir niðurskurð síðustu ára og því er mikilvægt að stofnunin haldi þessari fjárveitingu til þess að geta staðið vörð um og aukið enn verðmæti þeirrar fjárfestingar sem þegar liggur í ISLEX.

210 Háskólinn á Akureyri.

1.01 Háskólinn á Akureyri. Samtals er gert ráð fyrir 70,6 m.kr. hækkun fjárheimildar á þessum lið. Í fyrsta lagi er veitt 30 m.kr. framlag til Háskólans á Akureyri vegna kjarasamninga. Þann 1. júlí sl. tók gildi samkomulag milli Háskóla Íslands og Félags háskólakennara um hækkun launa sem nemur einu þrepi í launatöflu (hliðrun til hægri) eða um 3,5%. Í ljósi samnings þessa er talið óhjákvæmilegt að sama launahækkun taki gildi við HA frá 1. janúar 2012. Í fjárlagafrumvarpi fyrir árið 2012 er gert ráð fyrir hækkun launa vegna kjarasamninga frá því í júní 2011, en samkomulag það sem vitnað er í um 3,5% hækkun er þar fyrir utan. Í upphafi árs 2010 tók gildi samningur til tveggja ára við starfsfólk HA innan Félags háskólakennara í HA þar sem kveðið er á um launalækkun hjá viðkomandi. Þessi samningur hefur leitt til um 50 m.kr. sparnaðar í launagreiðslum á samningstímanum. Í fyrrnefndum samningi er einnig ákvæði þess efnis að þegar hann fellur úr gildi 1. janúar 2012 skuli kjör starfsfólks í Félagi háskólakennara við HA vera hin sömu og tíðkast í HÍ. Í öðru lagi er fjárheimild skólans hækkuð um 22,5 m.kr. Fjárheimildin verður fjármögnuð með hækkun skrásetningargjalda úr 45 þús. kr. fyrir hvert kennsluár í 60 þús. kr. frá og með háskólaárinu 2012–2013. Um 1.500 námsmenn stunda nám við Háskólann á Akureyri og því má áætla að ríkistekjur skólans hækki um allt að 22,5 m.kr. Ólíkt því sem á við um flest öll önnur gjöld fyrir opinbera þjónustu hafa skrásetningargjöld ríkisrekinna háskóla ekki verið hækkuð frá árinu 2005 þrátt fyrir að allur tilkostnaður við reksturinn hafi aukist verulega vegna launa– og gengishækkana og almennra verðhækkana á aðföngum frá þeim tíma og hefur hlutdeild skrásetningargjalda í fjármögnun skólanna þar með orðið minni. Lagðar verða til breytingar á lögum um opinbera háskóla til samræmis við þetta. Í þriðja lagi eru millifærðar 18,1 m.kr. á liðinn af viðfangsefninu 02–234–1.11 Ritlauna– og rannsóknasjóður prófessora í samræmi við yfirlýsingu mennta– og menningarmálaráðherra í tilefni þess að kjararáð fjallar ekki lengur um kjör prófessora og ekki verður framvegis fjallað um rétt prófessora til úthlutunar úr ritlauna– og rannsóknasjóði í kjarasamningi. Framlög sem áður voru færð á sérstakt viðfang í fjárlögum eru því færð til ríkisháskólanna. Fjárhæð sem færð er á skólann svarar til hlutdeildar hans í ritlauna– og rannsóknarsjóði og launatengdum gjöldum vegna úthlutana úr honum.

216 Landbúnaðarháskóli Íslands.

1.01 Landbúnaðarháskóli Íslands. Samtals er gert ráð fyrir 12,1 m.kr. hækkun fjárheimildar á þessum lið. Annars vegar eru millifærðar á liðinn 8,6 m.kr. af viðfangsefninu 02–234–1.11 Ritlauna– og rannsóknasjóður prófessora í samræmi við yfirlýsingu mennta– og menningarmálaráðherra í tilefni þess að kjararáð fjallar ekki lengur um kjör prófessora og ekki verður framvegis fjallað um rétt prófessora til úthlutunar úr ritlauna– og rannsóknasjóði í kjarasamningi. Framlög sem áður voru færð á sérstakt viðfang í fjárlögum eru því færð til ríkisháskólanna. Fjárhæð sem færð er á skólann svarar til hlutdeildar hans í ritlauna– og rannsóknasjóði og launatengdum gjöldum vegna úthlutana úr honum. Hins vegar er fjárheimild skólans hækkuð um 3,5 m.kr. Fjárheimildin verður fjármögnuð með hækkun skrásetningargjalda úr 45 þús. kr. fyrir hvert kennsluár í 60 þús. kr. frá og með háskólaárinu 2012–2013. Um 230 námsmenn stunda nám á háskólastigi við Landbúnaðarháskóla Íslands og því má áætla að ríkistekjur skólans hækki um allt að 3,5 m.kr. Ólíkt því sem á við um flest öll önnur gjöld fyrir opinbera þjónustu hafa skrásetningargjöld ríkisrekinna háskóla ekki verið hækkuð frá árinu 2005 þrátt fyrir að allur tilkostnaður við reksturinn hafi aukist verulega vegna launa– og gengishækkana og almennra verðhækkana á aðföngum frá þeim tíma og hefur hlutdeild skrásetningargjalda í fjármögnun skólanna þar með orðið minni. Lagðar verða til breytingar á lögum um opinbera háskóla til samræmis við þetta.

217 Hólaskóli – Háskólinn á Hólum.

1.01 Hólaskóli – Háskólinn á Hólum. Samtals er gert ráð fyrir 20,6 m.kr. hækkun fjárheimildar á þessum lið. Í fyrsta lagi er fjárheimild Hólaskóla á fjárlaganúmeri 02–217–6.20 Fasteignir og lóðir millifærð á rekstrarviðfang skólans 02–217–1.01 Hólaskóli – Háskólinn á Hólum. Við flutning skólans yfir til mennta– og menningarmálaráðuneytisins við 2. umræðu um frumvarp til fjárlaga fyrir árið 2008 var gert ráð fyrir viðfangsnúmerinu 02–217–6.20 Fasteignir og lóðir. Engin útgjöld hafa verið bókuð á þetta viðfang síðan það var stofnað í fjárlögum fyrir árið 2008. Ekki eru heldur áformaðar frekari framkvæmdir hjá skólanum sem gjaldfæra ber sem stofnkostnað á næstu árum en komi til þess verður fjárheimild flutt af rekstrarviðfangsefni skólans eða af almennum stofnkostnaðarheimildum vegna háskólastigsins innan ramma ráðuneytisins. Í öðru lagi hækkar fjárheimild skólans um 2,5 m.kr. Fjárheimildin verður fjármögnuð með hækkun skrásetningargjalda úr 50 þús. kr. fyrir hvert kennsluár í 60 þús. kr. frá og með háskólaárinu 2012–2013. Um 250 námsmenn stunda nám við Háskólann á Hólum og flest nám er nú á háskólastigi. Ólíkt því sem á við um flest öll önnur gjöld fyrir opinbera þjónustu hafa skrásetningargjöld ríkisrekinna háskóla ekki verið hækkuð frá árinu 2005 þrátt fyrir að allur tilkostnaður við reksturinn hafi aukist verulega vegna launa– og gengishækkana og almennra verðhækkana á aðföngum frá þeim tíma og hefur hlutdeild skrásetningargjalda í fjármögnun skólanna þar með orðið minni. Lagðar verða til breytingar á lögum um opinbera háskóla til samræmis við þetta. Í þriðja lagi eru millifærðar á liðinn 1,9 m.kr. af viðfangsefninu 02–234–1.11 Ritlauna– og rannsóknasjóður prófessora í samræmi við yfirlýsingu mennta– og menningarmálaráðherra í tilefni þess að kjararáð fjallar ekki lengur um kjör prófessora og ekki verður framvegis fjallað um rétt prófessora til úthlutunar úr ritlauna– og rannsóknasjóði í kjarasamningi. Framlög sem áður voru færð á sérstakt viðfang í fjárlögum eru því færð til ríkisháskólanna. Fjárhæð sem færð er á skólann svarar til hlutdeildar hans í ritlauna– og rannsóknasjóði og launatengdum gjöldum vegna úthlutana úr honum.

6.20 Fasteignir og lóðir. Fjárheimild Hólaskóla á fjárlaganúmeri 02–217–6.20 Fasteignir og lóðir er millifærð á rekstrarviðfang skólans 02–217–1.01 Hólaskóli – Háskólinn á Hólum. Sjá skýringu við þann lið.

228 Listaháskóli Íslands.

1.01 Listaháskóli Íslands. Veitt er 20 m.kr. framlag til Listaháskóla Íslands vegna meistaranáms. Listaháskólinn hyggst bjóða upp á meistaranám í myndlist og hönnun frá og með haustinu 2012. Um er að ræða nám fyrir tíu ársnemendur. Auk þess stunda fjórtán ársnemendur nám á meistarastigi nú án þess að fjárveitingar vegna þeirra fylgi. Um er að ræða tíu ársnemendur í kennsluréttindanámi og fjóra í tónsmíðanámi sem boðið er upp á í samstarfi við erlenda háskóla. Skólinn gerir ráð fyrir átta ársnemum í árgangi í tónsmíðanámi og myndlistarnámi en tólf í hverjum árgangi í hönnunarnámi. Gert er ráð fyrir 52 ársnemum árið 2013 og þegar árgangar í þessum greinum hafa skilað sér inn á árinu 2014 er um 66 ársnemendur að ræða. Auk þessa hefur skólinn áform um að bjóða upp á meistaranám á fleiri sviðum til að þróa frekar listnám í landinu auk þess að tryggja nemendum í listum og skapandi greinum aðgang að framhaldsnámi til jafns við aðra háskólanemendur.

234 Ritlauna– og rannsóknasjóður prófessora.

1.11 Ritlauna– og rannsóknasjóður prófessora. Annars vegar eru fjárheimildir liðarins hækkaðar um 89,4 m.kr. Í fyrsta lagi er 47,6 m.kr. framlag á fjárlagaviðfangi 02–234–1.12 Launatengd gjöld fært á liðinn vegna tilfærslu framlaga á ríkisháskólana. Í öðru lagi hækka fjárframlög til ritlauna– og rannsóknasjóðs prófessora um 28,8 m.kr. en um er að ræða hluta af 36 m.kr. hækkun á framlagi í sjóðinn sem samkvæmt bókun með eldri kjarasamningum miðaðist við 12,5% af launagrunni prófessora, 7,2 m.kr. færast á 02–234–1.12 Launatengd gjöld. Í þriðja lagi eru 13 m.kr. millifærðar af 02–299–1.91 Háskólar sem liður í leiðréttingu á grunnframlögum í sjóðinn. Hins vegar eru fjárheimildir liðarins lækkaðar um 252 m.kr. Millifærðar eru 1,9 m.kr. yfir á 02–217–1.01 Hólaskóli – Háskólinn á Hólum, 8,6 m.kr. yfir á 02–216–1.01 Landbúnaðarháskóli Íslands, 18,1 m.kr. yfir á 02–201–1.01 Háskólinn á Akureyri og 223,4 m.kr. yfir á 02–201–1.01 Háskóli Íslands í samræmi við yfirlýsingu mennta– og menningarmálaráðherra í tilefni þess að kjararáð fjallar ekki lengur um kjör prófessora og ekki verður framvegis fjallað um rétt prófessora til úthlutunar úr ritlauna– og rannsóknasjóði í kjarasamningi. Framlög sem áður voru færð á sérstakt viðfang í fjárlögum eru því færð til ríkisháskólanna. Fjárhæð sem færð er á skólann svarar til hlutdeildar hans í ritlauna– og rannsóknasjóði og launatengdum gjöldum vegna úthlutana úr honum.

1.12 Launatengd gjöld. Annars vegar eru fjárheimildir liðarins hækkaðar um 10,5 m.kr. Í fyrsta lagi hækka fjárframlög um 7,2 m.kr. Um er að ræða hluta af 36 m.kr. framlagi í sjóðinn sem samkvæmt bókun með eldri kjarasamningum miðaðist við 12,5% af launagrunni prófessora. Þar af færast 28,8 m.kr. á 02–234–1.11 Ritlauna– og rannsóknasjóður. Í öðru lagi eru 3,3 m.kr. millifærðar af 02–299–1.91 Háskólar. Millifærslan er liður í leiðréttingu á grunnframlögum í ritlauna– og rannsóknasjóð prófessora. Hins vegar eru fjárheimildir liðarins lækkaðar en 47,6 m.kr. framlag er fært á 02–234–1.11 Ritlauna– og rannsóknasjóður prófessora vegna tilfærslu framlaga á ríkisháskólana.

235 Markáætlun á sviði vísinda og tækni.

6.60 Markáætlun á sviði vísinda og tækni. Millifærðar eru 82 m.kr. á 02–905–1.01 Landsbókasafn Íslands – Háskólabókasafn vegna landsaðgangs að gagnasöfnum og rafrænum tímaritum sem stofnunin annast um. Ríkisstjórnin samþykkti á fundi 12. nóvember 2009 að fresta nýrri markáætlun og nýta það fé sem þá losnaði m.a. til að fjármagna samning um þennan aðgang að hluta. Verkefnið fær áfram fast framlag í fjárlögum (um 35 m.kr.) og innheimtir einnig afnotagjöld af notendum. Ríkissjóður tók hins vegar á sig hækkun vegna gengishrunsins og voru þeir fjármunir teknir af markáætlunarlið fjárlaga. Á árinu 2010 voru greiddar 87,7 m.kr. og búið er að greiða rúmlega 78 m.kr. í ár en eftir er að gera árið upp. Það fyrirkomulag er á rekstrinum að afnotagjöld eru greidd af mjög mörgum aðilum, t.d. skólum, rannsókna– og heilbrigðisstofnunum, bókasöfnum og einkaaðilum og eftir sem áður er gert ráð fyrir að þeir aðilar sem hafa mestan ávinning af þessum aðgangi fjármagni hann áfram að hluta með greiðslu notendagjalds. Eðlilegast þykir að veita fjárframlag beint til Landsbókasafns Íslands – Háskólabókasafns í stað þess að millifæra það af fjárlagalið markáætlunar.

299 Háskóla– og rannsóknastarfsemi.

1.15 Nýsköpunarsjóður. Veitt er 30 m.kr. fjárveiting til að efla Nýsköpunarsjóð en þannig má tryggja fleiri háskólanemum styrki til rannsóknar– og þróunarverkefna sem líkleg þykja til að stuðla að nýsköpun og auknum tengslum háskóla, stofnana og fyrirtækja.

1.25 Menntastofnun Íslands og Bandaríkjanna. Millifærðar eru á liðinn 1,6 m.kr. af 02–299–1.90 Háskólastarfsemi. Um breyttan forgang innan ramma er að ræða. Íslendingar hafa löngum notið þess að fá styrki frá Fulbright–stofnuninni. Því miður hafa framlög Íslands til stofnunarinnar verið skorin umtalsvert niður um leið og kostnaður hefur hækkað. Framlag Íslands til Fulbright–stofnunarinnar hefur síðustu tvö ár verið um 10,5 m.kr. Það hefur farið lækkandi ár frá ári eftir hrun, en þegar það var mest var það um 20 m.kr. Nú er svo komið að ef ekkert verður að gert verður að skera verulega niður styrki til handa Íslendingum sem hyggja á nám í Bandaríkjunum. Hér er um lágmarkshækkun á framlagi að ræða til að efla starfsemi Fulbright–stofnunarinnar á Íslandi.

1.32 Þekkingarsetur Vestmannaeyja. Gert er ótímabundið 9 m.kr. framlag sem veitt var tímabundið við 2. umræðu um fjárlög fyrir árið 2011 til reksturs Sjávarrannsóknamiðstöðvarinnar í Vestmannaeyjum. Gengið verður frá samningi þar að lútandi.

1.34 Háskólasetur Vestfjarða. Gert er ótímabundið 10 m.kr. framlag sem veitt var tímabundið við 3. umræðu um fjárlög fyrir árið 2011 vegna samnings um meistaranám. Unnið er að endurnýjun á heildarsamningi við Háskólasetrið og er háskólanám í haf– og strandsvæðastjórnun mikilvægur þáttur í starfsemi setursins.

1.35 Þekkingarnet á Suðurlandi. Nafni viðfangsins er breytt úr Þekkingarsetur Suðurlands í Þekkingarnet á Suðurlandi. Verið er að leggja lokahönd á samninga við Háskólafélag Suðurlands – Þekkingarnet á Suðurlandi. Fjárveiting verkefnisins í frumvarpinu nemur 14,5 m.kr. og er á fjárlagaviðfangi 02–299–1.35 Þekkingarsetur Suðurlands. Í upphafi stóð til að Háskólafélag Suðurlands stofnaði Þekkingarsetur Suðurlands, en fjárveitingin kom fyrst inn við 3. umræðu um fjárlög fyrir árið 2009. Raunin varð hins vegar sú að félagið starfar nú undir nafninu Þekkingarnet á Suðurlandi. Orðið þekkingarnet endurspeglar betur starfsemi félagsins sem nær yfir allt Suðurland, allt austur að Höfn í Hornafirði.

1.36 Þekkingarsetur Suðurnesja. Veitt er 15 m.kr. rekstrarframlag til stofnunar Þekkingarseturs Suðurnesja og skal gerður samningur um starfsemina. Grunnur að starfseminni er þegar til staðar. Í Sandgerðisbæ er starfrækt Rannsóknastöð botndýraverkefnisins (BIOICE), Fræðasetur, Náttúrustofa Reykjaness og Rannsóknasetur Háskóla Íslands á Suðurnesjum. Í setrinu er rannsóknaaðstaða á sviði fisksjúkdóma og eiturefnarannsókna sem m.a. er nýtt af Tilraunastöð HÍ í meinafræði að Keldum. Heildarfjöldi starfsmanna setursins er 15–20 og þar af eru níu starfsmenn BIOICE sem vinna við flokkun sjávardýra og önnur tæknileg störf tengd vísindarannsóknum. Aðstaðan er þegar nýtt á margvíslegan hátt, allt frá fræðslu skólabarna um fjörulíf til alþjóðlegra verkefna í sjávarlíffræði og fuglafræði. Gert er ráð fyrir að stofnun Þekkingarseturs Suðurnesja í Sandgerði muni tryggja þann grunn sem byggt er á og stuðla að frekari uppbyggingu.

1.73 Reykjavíkurakademían. Millifærðar eru 2 m.kr. af 02–999–1.90 Ýmislegt. Um er að ræða verkefnið MIRRA, uppbygging þekkingarbanka um innflytjendamál, sem ætlunin er að fela Reykjavíkurakademíunni að gera samning um og hafa eftirlit með. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.74 Akureyrarakademían. Gert er ráð fyrir 2 m.kr. framlagi til Akureyrarakademíunnar gegn því að samningur verði gerður við hana. Um er að ræða sambærilegt fyrirkomulag og er við lýði gagnvart Reykjavíkurakademíunni en Akureyrarakademían er samfélag sjálfstætt starfandi fræðimanna á Norðurlandi.

1.90 Háskólastarfsemi. Samtals er gert ráð fyrir 5,6 m.kr. lækkun liðarins. Annar vegar eru millifærðar 1,6 m.kr. yfir á 02–299–1.25 Menntastofnun Íslands og Bandaríkjanna. Um breyttan forgang innan ramma er að ræða. Íslendingar hafa löngum notið þess að fá styrki frá Fulbright–stofnuninni. Framlag Íslands til Fulbright–stofnunarinnar hefur síðustu tvö ár verið um 10,5 m.kr. Það hefur farið lækkandi ár frá ári eftir hrun, en þegar það var mest var það um 20 m.kr. Nú er svo komið að ef ekkert verður að gert verður að skera verulega niður styrki til handa Íslendingum sem hyggja á nám í Bandaríkjunum. Hér er um lágmarkshækkun á framlagi að ræða til að efla starfsemi Fulbright–stofnunarinnar á Íslandi. Hins vegar er 4 m.kr. tímabundið framlag til tveggja ára sem gert er ráð fyrir í frumvarpinu til að tryggja aðgang íslenskra vísindamanna að norrænu ofurtölvuveri millifært yfir á 02–201–1.01 Háskóli Íslands. Samið hefur verið um að verkefnið verði rekið á vegum Háskóla Íslands. Miðstöðin mun hýsa og keyra öll vísindagögn norrænna háskóla. Ríkisstjórnin samþykkt á fundi 8. apríl 2011 að gera tillögu um 4 m.kr. framlag árin 2012 og 2013 til reksturs ofurtölvuvers fyrir norræna háskóla hér á landi. Menntamálaráðuneytið leggur 4 m.kr. til verkefnisins á árinu 2011. Íslenskir aðilar tóku þátt í útboði um rekstur ofurtölvumiðstöðvar fyrir vísindarannsóknir á Norðurlöndum. Að undangengnu samkeppnisútboði meðal háskóla á Norðurlöndunum var ákveðið að ofurtölvuverið verði staðsett á Íslandi. Háskóli Íslands í samstarfi við Thor Datacenter í Hafnarfirði mun annast reksturinn, með hýsingu hjá Thor Datacenter og kerfisþjónustu hjá HÍ. Áætlað er að íslenski hluti verkefnisins fái 15% hlutdeild í tölvuafli versins.

1.91 Háskólar, óskipt. Samtals er gert ráð fyrir 16,3 m.kr. lækkun fjárheimildar á þessum lið. Annars vegar eru millifærðar 3,3 m.kr yfir á 02–234–1.12 Launatengd gjöld. Hins vegar eru millifærðar 13 m.kr. yfir á 02–234–1.11 Ritlauna– og rannsóknasjóður prófessora. Millifærslurnar eru liður í leiðréttingu á grunnframlögum í ritlauna– og rannsóknasjóð prófessor

318 Framhaldsskólar, stofnkostnaður.

6.00 Framhaldsskólar í Reykjavík. Samtals er gert ráð fyrir 240 m.kr. hækkun fjárheimildar á þessum lið. Annars vegar eru millifærðar 200 m.kr. af 02–318–6.51 Fjölbrautaskólinn Ármúla og hins vegar eru millifærðar 40 m.kr. af 02–318–6.05 Menntaskólinn við Sund. Á viðfangsefninu 02–318–6.00 Framhaldsskólar, stofnkostnaður er ætlað framlag fyrir samstarfsverkefni ríkisins og Reykjavíkurborgar. Áherslur á verkefni geta breyst, tilboð í verkefni geta verið hærri eða lægri en áætlanir gera ráð fyrir og er því mikilvægt að hægt sé að færa fjármuni á milli verkefna.

6.05 Menntaskólinn við Sund. Millifærðar eru 40 m.kr. á 02–318–6.00 Framhaldsskólar í Reykjavík.

6.51 Fjölbrautaskólinn Ármúla. Millifærðar eru 200 m.kr. á 02–318–6.00 Framhaldsskólar í Reykjavík.

6.57 Fjölbrautaskóli Suðurlands. Veitt er 25 m.kr. framlag vegna fyrirhugaðrar stækkunar á verknámsaðstöðu við Fjölbrautaskóla Suðurlands. Vinnu við þarfagreiningu vegna fyrirhugaðrar stækkunar aðstöðunnar er lokið. Í niðurstöðu greiningarinnar er gert ráð fyrir að heildarstærð verknámshúsnæðis verði 2.860 fermetrar. Núverandi verknámsaðstaða er 1.230 fermetrar. Aðildarsveitarfélögin hafa safnað 130 m.kr. í sjóð til byggingarinnar sem verða notaðar til að fjármagna undirbúning og hönnun. Með fyrirvara um útfærslu má gera ráð fyrir að heildarkostnaður við slíkt hús nemi um 650 m.kr. og hlutur ríkissjóðs næmi þá um 390 m.kr. Framlag ríkisins miðað við framangreint gæti því numið um 25 m.kr. á árinu 2012, 275 m.kr. árið 2013 og 90 m.kr. árið 2014.

319 Framhaldsskólar, almennt.

1.11 Sameiginleg þjónusta. Veitt er tímabundið 5 m.kr. framlag til dreifnáms við Fjölbrautaskóla Norðurlands vestra. Samningur var gerður milli sveitarfélagsins Húnaþings vestra og Fjölbrautaskóla Norðurlands vestra f.h. ríkissjóðs um að starfsemi dreifnámsdeildar hæfist í ágúst 2012. Heildarkostnaður við verkefnið á fjórum árum er 30,5 m.kr. og skiptist á milli sveitarfélagsins (30%) og ríkisins (70%). Framlag ríkisins verður því 2,8 m.kr. árið 2012, 5,6 m.kr. árið 2013, 6,2 m.kr. árið 2014 og 6,8 m.kr. árið 2015. Verkefnið er eitt verkefna í sóknaráætlun landshluta.

1.24 Iðnnemasamband Íslands. Millifærðar eru 5 m.kr. af 02–319–1.90 Framhaldsskólar, óskipt.

1.38 Menntun á sviði kvikmyndagerðar. Fjárveiting til menntunar á sviði kvikmyndagerðar hækkar um 15,4 m.kr., þ.e. úr 41 m.kr. í 56,4 m.kr. vegna nýlegs samnings við Kvikmyndaskóla Íslands sem gerir ráð fyrir að hámarki 56,4 m.kr. ríkisframlagi á árinu 2012 miðað við að samningurinn verði látinn gilda allt árið. Í fjáraukalagafrumvarpi fyrir árið 2011 er gerð nánari grein fyrir samningnum og framlögum til hans.

1.90 Framhaldsskólar, óskipt. Millifærðar eru 5 m.kr. yfir á 02–319–1.24 Iðnnemasamband Íslands.

357 Fjölbrautaskóli Suðurlands.

1.01 Fjölbrautaskóli Suðurlands. Veitt er 5 m.kr. framlag til kennslu og námsráðgjafar á Litla–Hrauni og í Bitru.

581 Verslunarskóli Íslands.

1.01 Verslunarskóli Íslands. Veitt er 5 m.kr. framlag vegna hækkunar fasteignagjalda í kjölfar breytingar á fasteignamati húsnæðis Verslunarskóla Íslands. Í lok árs 2010 var fermetrafjöldi skólans leiðréttur í fasteignaskrá úr 8.107,9 fermetrum í 10.674,2 fermetra. Við breytinguna hækkuðu fasteignagjöld skólans um 5 m.kr.

872 Lánasjóður íslenskra námsmanna.

1.01 Lánasjóður íslenskra námsmanna. Fjárheimild liðarins er hækkuð tímabundið um 270 m.kr. vegna endurmats á útgjöldum í tengslum við átak á sviði vinnumarkaðsaðgerða og eflingu menntunar atvinnuleitenda. Stefnt var að því að skapa námstækifæri fyrir allt að 1.000 atvinnuleitendur haustið 2011 og næstu tvö skólaár á eftir. Í fjárlagafrumvarpinu var gert ráð fyrir að 250 manns færu af atvinnuleysisbótum og í lánshæft nám. Gert var ráð fyrir að útlán sjóðsins mundu aukast tímabundið um 300 m.kr. vegna þessa og því var fjárheimild sjóðsins aukin um 150 m.kr. miðað við að niðurgreiðsla ríkisins til lánveitinga sjóðsins þurfi að vera um 47%. Miðað við upplýsingar Vinnumálastofnunar í nóvember um stöðu átaksins hafa um 990 einstaklingar sótt um þátttöku en þar af er gert ráð fyrir að um 700 einstaklingar fari í lánshæft nám hjá LÍN en um 300 einstaklingar fái framfærslustyrk frá Atvinnuleysistryggingasjóði. Áætlað heildarframlag ríkissjóðs til LÍN vegna þessa átaks er því samtals 420 m.kr.

884 Jöfnun á námskostnaði.

1.01 Jöfnun á námskostnaði. Veitt er 39,5 m.kr. framlag til jöfnunar á námskostnaði til að tryggja að ekki þurfi að lækka námsstyrki á yfirstandandi skólaári. Fjárhæðir dvalar– og aksturstyrkja hafa verið óbreyttar í nokkur ár. Dvalarstyrkur fyrir einn skólavetur til þeirra sem þurfa að búa a.m.k. 30 km frá lögheimili vegna náms í framhaldsskóla nemur 212.000 kr. en akstursstyrkur til þeirra sem sækja skóla sem ekki er í nágrenni lögheimilis nemur 120.000 kr. Framlag til þessara styrkja var lækkað í fjárlögum 2009 og var það liður í útfærslu á aðhaldsmarkmiðum til að stuðla að jöfnuði í ríkisfjármálum. Frá þeim tíma hefur ekki verið unnt að hækka styrki í samræmi við verðlagshækkanir. Hins vegar hefur ekki heldur þurft að lækka styrkfjárhæðir þar sem gengið hefur verið á ónotaðar fjárheimildir fyrri ára en þær munu klárast á árinu 2011. Með því að afturkalla fyrri aðhaldsráðstafanir og hækka árlega fjárveitingu í sjóðinn um 39,5 m.kr. er hægt að tryggja að ekki þurfi að lækka styrkfjárhæðir og hugsanlega hægt að hækka þá lítils háttar.

901 Fornleifavernd ríkisins.

1.01 Fornleifavernd ríkisins. Veitt er 10 m.kr. viðbótarframlag til Fornleifaverndar ríkisins til að efla rekstur stofnunarinnar. Unnið hefur verið markvisst að því að ráðnir yrðu minjaverðir á landsbyggðinni og á undanförnum árum hefur stofnunin fengið viðbótarframlag í því skyni. Til þess að halda störfum minjavarðanna gangandi hefur verið tekið framlag frá öðrum verkefnum. Nú er svo komið að stofnunin fær niðurskurðarkröfu þriðja árið í röð og fyrirséð að ekki verður komist hjá uppsögnum.

903 Þjóðskjalasafn Íslands.

1.11 Héraðsskjalasöfn. Veitt er 15 m.kr. framlag vegna sérverkefna þriggja héraðsskjalasafna gegn því að gengið verði frá samningi um verkefnið.

905 Landsbókasafn Íslands – Háskólabókasafn.

1.01 Landsbókasafn Íslands – Háskólabókasafn. Samtals er gert ráð fyrir 96,5 m.kr. hækkun fjárheimildar á þessum lið. Í fyrsta lagi eru millifærðar 82 m.kr. af fjárlagalið 02–235–6.60 Markáætlun á sviði vísinda og tækni á fjárlagalið 02–905–1.01 Landsbókasafn Íslands – Háskólabókasafn vegna landsaðgangs að gagnasöfnum og rafrænum tímaritum sem stofnunin annast um. Ríkisstjórnin samþykkti á fundi 12. nóvember 2009 að fresta nýrri markáætlun og nýta það fé sem þá losnaði m.a. til að fjármagna samning um þennan aðgang að hluta. Verkefnið fær áfram fast framlag í fjárlögum (um 35 m.kr.) og innheimtir einnig afnotagjöld af notendum. Ríkissjóður tók hins vegar á sig hækkun vegna gengishrunsins og voru þeir fjármunir teknir af markáætlunarlið fjárlaga. Á árinu 2010 voru greiddar 87,7 m.kr. og búið er að greiða rúmlega 78 m.kr. í ár en eftir er að gera árið upp. Það fyrirkomulag er á rekstrinum að afnotagjöld eru greidd af mjög mörgum aðilum, t.d. skólum, rannsókna– og heilbrigðisstofnunum, bókasöfnum og einkaaðilum og eftir sem áður er gert ráð fyrir að þeir aðilar sem hafa mestan ávinning af þessum aðgangi fjármagni hann áfram að hluta með greiðslu notendagjalds. Eðlilegast þykir að veita fjárframlag beint til Landsbókasafns Íslands – Háskólabókasafns í stað þess að millifæra það af fjárlagalið markáætlunar. Í öðru lagi er veitt 10 m.kr. tímabundið framlag til skönnunarverkefna hjá Amtsbókasafninu á Akureyri en safnið hefur annast skönnun gagna fyrir Landsbókasafn Íslands – Háskólabókasafn í tengslum við uppbyggingu á stafrænu íslensku bókasafni. Í þriðja lagi eru millifærðar 3 m.kr. af 02–999–1.90 Ýmis framlög á 02–905–1.01 Landsbókasafn Íslands – Háskólabókasafn. Fyrirhugað er að færa verkefnið Miðstöð munnlegrar sögu til Landsbókasafns Íslands – Háskólabókasafns og fela því umsjón og eftirlit með verkefninu. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti. Í fjórða lagi eru millifærðar 1,5 m.kr. af 02–919–1.90 Söfn, ýmis framlög á 02–905–1.01 Landsbókasafn Íslands – Háskólabókasafn. Um er að ræða framlag til Kvennasögusafns Íslands sem vistað er hjá Landsbókasafni Íslands. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

908 Kvikmyndasafn Íslands.

1.01 Kvikmyndasafn Íslands. Millifærðar eru 5 m.kr. af 02–999–1.98 Ýmis framlög mennta– og menningarmálaráðuneyti á 02–908–1.01 Kvikmyndasafn Íslands til að efla reksturinn, m.a. vegna endurnýjunar á samningi við kvikmyndagerðarmenn.

918 Safnasjóður.

1.10 Safnasjóður. Samtals er gert ráð fyrir 26,7 m.kr. hækkun fjárheimildar á þessum lið. Millifærðar er 14 m.kr. af 02–999–6.90 Ýmis stofnkostnaðarframlög, 10,1 m.kr. af 02–919–6.90 Söfn, ýmis stofnkostnaður og 2,6 m.kr. af 02–919–1.90 Söfn, ýmis framlög mennta– og menningarmálaráðuneytis. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

919 Söfn og menningarminjar.

1.14 Hönnunarmiðstöð Íslands. Millifærðar eru 8,3 m.kr. á nýtt viðfang, 02–982–1.19 Kynningarmiðstöðvar listgreina. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti. Fyrirhugað er að mennta– og menningarmálaráðuneyti geri samninga við kynningarmiðstöðvar listgreina sem annist kynningu á tilteknum sviðum, svo sem á tónlist, myndlist, hönnun og leiklist.

1.90 Styrkir á sviði menningararfs. Annars vegar er gert ráð fyrir 19,5 m.kr. hækkun fjárheimildar á þessum lið. Millifærðar eru 12,5 m.kr. af 02–919–1.98 Ýmis framlög mennta– og menningarmálaráðuneytis og 7 m.kr. af 02–999–1.98 Ýmis framlög mennta– og menningarmálaráðuneytis. Hins vegar er gert ráð fyrir 19,6 m.kr. lækkun fjárheimildar. Millifærðar eru 1,5 m.kr. á 02–905–1.01 Landsbókasafn Íslands – Háskólabókasafn. Um er að ræða framlag til Kvennasögusafns Íslands sem vistað er hjá Landsbókasafni Íslands. 2,5 m.kr. á 02–982–1.40 Samningar við Akureyrarbæ um menningarmál, 2,6 m.kr. af 02–919–1.90 Söfn, ýmis framlög mennta– og menningarmálaráðuneytis á 02–918–1.10 Safnasjóður og 13 m.kr á 02–982–1.45 Samningar við sveitarfélög um menningarmál. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.98 Söfn, ýmis framlög mennta– og menningarmálaráðuneytis. Samtals er gert ráð fyrir 48,5 m.kr. lækkun á fjárheilmild á þessum lið. Millifærðar eru 6 m.kr. á 02–999–1.81 Verkefni á vegum Menningarmálastofnunar Sameinuðu þjóðanna, UNESCO. Um er að ræða verkefni tengd heimsminjasamningi UNESCO. 12,5 m.kr. á nýtt viðfang 02–919–1.90 Styrkir á sviði menningararfs og 29,8 m.kr á 02–999 1.98 Ýmis framlög mennta– og menningarmálaráðuneytis. Um er að ræða ýmsa samninga og verkefni (sjá sundurliðun hér fyrir neðan) sem ekki er talið hægt að flytja í sjóði eða í menningarsamninga á þessu stigi. Eftir er að taka endanlega ákvörðun um fyrirkomulagið og á meðan eru þessi verkefni vistuð á fjárlagalið 02–999–1.98. Verkefnin eru: Hvalasafnið á Húsavík, samningur: 5,3 m.kr. Tónlistarsafn Íslands, samningur: 5 m.kr. N–A– og A–verkefni til styrktar atvinnulífi, jarðfræðirannsókn: 7,1 m.kr. Vestfirðir, til styrktar atvinnulífi, Þjóðfræðistofa: 7,4 m.kr. Þjóðveldisbærinn í Þjórsárdal: 2 m.kr. Stafkirkja í Heimaey: 3 m.kr. Samtals: 29,8 m.kr. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

6.90 Söfn, ýmis stofnkostnaður. Samtals er gert ráð fyrir 27,2 m.kr. lækkun fjárheimildar á þessum lið. Millifærðar eru 10,1 m.kr. af á 02–918–1.10 Safnasjóður og 17,1 m.kr. á 02–982–1.45 Samningar við sveitarfélög um menningarmál. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

961 Fjölmiðlanefnd.

1.01 Fjölmiðlanefnd. Veitt er 10 m.kr. viðbótarframlag til fjölmiðlanefndar til að gera nefndinni kleift að uppfylla lögbundnar skyldur sínar.

979 Húsafriðunarnefnd.

6.10 Húsafriðunarsjóður. Samtals er gert ráð fyrir 27,3 m.kr. hækkun fjárheimildar á þessum lið. Annars vegar hækkar framlag um 26,8 m.kr. sem er hluti af umbótum við styrkveitingar sem unnið hefur verið að að frumkvæði fjárlaganefndar í samvinnu við fagráðuneyti. Hefð hefur verið fyrir því að veita tímabundið framlag við 2. umræðu fjárlaga til ýmissa verkefna sem síðan falla niður í frumvarpi næsta árs en hafa komið aftur inn við 2. umræðu það ár. Hækkunin er sambærileg framlagi sem veitt hefur verið árlega til ýmissa verkefna. Hins vegar eru millifærðar 0,5 m.kr. af 02–999–6.90 Ýmis stofnkostnaður. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti. Leiðrétting verður gerð á sértekjum húsafriðunarsjóðs og þær lækkaðar um 51,5 m.kr. Gjaldaheimild lækkar jafnmikið. Breytingin er tilkomin vegna þess að upphæð sértekna í frumvarpi til fjárlaga fyrir árið 2012 miðast við samning sem Húsafriðunarnefnd hefur haft við Þjóðminjasafn Íslands um endurbætur á gömlum húsum. Þeim samningi hefur verið sagt upp svo að sértekjur munu minnka sem honum nemur. Er því áætlað að húsafriðunarsjóður muni aðeins fá sértekjur úr Jöfnunarsjóði sveitarfélaga sem hafa verið um 48 m.kr.

981 Kvikmyndamiðstöð Íslands.

1.01 Kvikmyndamiðstöð Íslands. samtals er gert ráð f. 26 m.kr. hækkun fjárheimildar á þessum lið. Í fyrsta lagi er veitt 10 m.kr. framlag til Kvikmyndamiðstöðvar Íslands. Í öðru lagi eru millifærðar 10 m.kr. af 02–982–1.90 Listir. Um er að ræða framlag sem veitt var til Bíó Paradísar og fyrirhugað er að fela Kvikmyndamiðstöð Íslands að gera samning um verkefnið og hafa eftirlit með honum. Í þriðja lagi eru millifærðar 6 m.kr. af 02–999–1.98 Ýmis framlög mennta– og menningarmálaráðuneytis. Um er að ræða framlag sem veitt var til RIFF – Alþjóðlegrar kvikmyndahátíðar í Reykjavík og fyrirhugað er að fela Kvikmyndamiðstöð Íslands að gera samning um verkefnið og hafa eftirlit með honum. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.10 Kvikmyndasjóðir. Samtals er gert ráð fyrir 74,3 m.kr. hækkun fjárheimildar á þessum lið. Annars vegar er veitt 38 m.kr. framlag til Kvikmyndamiðstöðvar Íslands og hins vegar eru millifærðar 36,3 m.kr. af 02–999–1.98 Ýmis framlög mennta– og menningarmálaráðuneytis. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti. Um er að ræða hækkun á framlagi til Kvikmyndasjóðs vegna endurskoðunar á samningi við kvikmyndagerðarmenn.

982 Listir.

1.17 Kynningarmiðstöð íslenskrar myndlistar. Millifærðar eru 12,7 m.kr. á nýtt viðfang, 02–982–1.19 Kynningarmiðstöðvar listgreina. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti. Fyrirhugað er að mennta– og menningarmálaráðuneyti geri samninga við kynningarmiðstöðvar listgreina sem annist kynningu á tilteknum sviðum, svo sem á tónlist, myndlist, hönnun og leiklist.

1.18 Bókmenntasjóður. Millifærðar eru 3,5 m.kr. af 02–983–1.11 Styrkir til útgáfumála. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.19 Kynningarmiðstöðvar listgreina. Samtals er gert ráð fyrir 90,7 m.kr. hækkun fjárheimildar á þessum lið. Veitt er 10 m.kr. tímabundið framlag í tvö ár vegna þátttöku í Feneyjatvíæringnum í myndlist á árinu 2013 og 8 m.kr. viðbótarframlag til kynningarmiðstöðva listgreina vegna aukinna verkefna til að koma íslenskum listgreinum frekar á framfæri á erlendum vettvangi í samræmi við skýrslu um hagræn áhrif skapandi greina. Millifærðar eru 26,7 m.kr. af 02–999–1.98 Listir, 20 m.kr. af 02–999–1.90 Ýmis framlög, 12,7 m.kr. af 02–982–1.17 Kynningarmiðstöð íslenskrar myndlistar, 8,3 m.kr. af 02–919–1.14 Hönnunarmiðstöð Íslands og 5 m.kr. af 02–982–1.90 Listir á nýtt viðfang, 02–982–1.19 Kynningarmiðstöðvar listgreina. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti. Fyrirhugað er að mennta– og menningarmálaráðuneyti geri samninga við kynningarmiðstöðvar listgreina sem annist kynningu á tilteknum sviðum, svo sem á tónlist, myndlist, hönnun og leiklist.

1.24 Starfsemi atvinnuleikhópa. Millifærðar eru 14 m.kr. af 02–982–1.90 Listir. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.25 Tónlistarsjóður. Millifærðar eru 4,5 m.kr. af 02–982–1.90 Listir. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.40 Samningur við Akureyrarbæ um menningarstarfsemi. Samtals er gert ráð fyrir 7,5 m.kr. hækkun fjárheimildar á þessum lið. Annars vegar er gert er ráð fyrir að framlag hækki um 5 m.kr. árið 2012, um 5 m.kr. árið 2013 og 10 m.kr. árið 2014. Unnið er að endurnýjun samnings við Akureyrarbæ til næstu þriggja ára. Hins vegar eru millifærðar 2,5 m.kr. af 02–919–1.90 Söfn, ýmis framlög. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.45 Samningar við sveitarfélög um menningarmál. Samtals er gert ráð fyrir 82,7 m.kr. hækkun fjárheimildar á þessum lið. Millifærðar eru 33,4 m.kr. af 02–999–6.90 Ýmis stofnkostnaðarframlög, 17,1 m.kr. af 02–919–6.90 Söfn, ýmis stofnkostnaður, 16,2 m.kr. af 02–999–1.90 Ýmis framlög, 13 m.kr. af 02–919–1.90 Söfn, ýmis framlög og 3 m.kr. af 02–982–1.90 Styrkir á sviði listgreina. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.90 Styrkir á sviði listgreina. Annars vegar er gert ráð fyrir 51,9 m.kr. hækkun fjárheimildar á þessum lið. Millifærðar eru 27,2 m.kr. af 02–999–1.98 Ýmis framlög mennta– og menningarmálaráðuneytis, 23,8 m.kr. af 02–999–1.90 Ýmis framlög og 0,9 m.kr. af 02–983–1.11 Styrkir til útgáfumála. Hins vegar er gert ráð fyrir 36,5 m.kr. lækkun fjárheimildar á þessum lið. Millifærðar eru 3 m.kr. á 02–982–1.45 Samningar við sveitarfélög um menningarmál, 4,5 m.kr. á 02–982–1.25 Tónlistarsjóður, 5 m.kr. á nýtt viðfang, 02–982–1.19 Kynningarmiðstöðvar listgreina, 10 m.kr. á 02–981–1.01 Kvikmyndamiðstöð Íslands og 14 m.kr á 02–982–1.24 Starfsemi atvinnuleikhópa. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

983 Ýmis fræðistörf.

1.10 Fræðistörf. Samtals er gert ráð fyrir 5,4 m.kr. lækkun fjárheimildar á þessum lið. Í fyrsta lagi eru millifærðar 2,4 m.kr. á 02–983–1.17 Launasjóður höfunda fræðirita. og í öðru lagi eru millifærðar 3 m.kr. á 02–101–1.01 Mennta– og menningarmálaráðuneyti, aðalskrifstofa. Um er að ræða samning sem ráðuneytið er aðili að vegna verkefnis um kirkjur Íslands. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.11 Styrkir til útgáfumála. Samtals er gert ráð fyrir 4,4 m.kr. lækkun fjárheimildar á þessum lið. Millifærðar eru 0,9 m.kr. á nýtt viðfang, 02–982–1.90 Styrkir á sviði listgreina og 3,5 m.kr. á 02–982–1.18 Bókmenntasjóður. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.17 Launasjóður höfunda fræðirita. Millifærðar eru 2,4 m.kr. af 02–683–1.10 Ýmis fræðistörf. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.52 Skriðuklaustur. Veitt er 10 m.kr. tímabundið framlag til Skriðuklaustursrannsókna.

1.54 Fornleifasjóður. Framlag hækkar um 16,1 m.kr. sem er hluti af umbótum á styrkveitingum sem unnið hefur verið að að frumkvæði fjárlaganefndar í samvinnu við fagráðuneyti. Hefð hefur verið fyrir því að veita tímabundið framlag við 2. umræðu fjárlaga til ýmissa fornleifaverkefna sem síðan falla niður í frumvarpi næsta árs en aftur hafa komið inn framlög til ýmissa verkefna við 2. umræðu það ár. Nú hækkar framlag í fornleifasjóð um sambærilegt framlag og veitt hefur verið árlega til ýmissa verkefna.

988 Æskulýðsmál.

1.14 Útilífsmiðstöð skáta Úlfljótsvatni. Veitt er 5 m.kr. tímabundið framlag til að bæta aðstöðuna við Útilífsmiðstöðina á Úlfljótsvatni þar sem fagnað verður aldarafmæli skátastarfs hér á landi með landsmóti skáta árið 2012.

1.90 Æskulýðsmál. Millifærðar eru 9,3 m.kr. á nýtt viðfang, 02–999–1.91 Styrkir á sviði íþrótta– og æskulýðsmála. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

989 Ýmis íþróttamál.

1.10 Íþrótta– og Ólympíusamband Íslands. Framlag til ÍSÍ vegna Ólympíuleika hækkar um 10 m.kr.

1.11 Ferðasjóður Íþróttasambands Íslands. Veitt er 12 m.kr. tímabundið framlag í ferðasjóð Íþrótta– og ólympíusambands Íslands.

1.21 Skáksamband Íslands. Veitt er 6. m.kr. hækkun á framlagi til Skáksambands Íslands.

1.29 Afrekssjóður ÍSÍ. Veitt er 10 m.kr. hækkun á framlagi til Afrekssjóðs Íþróttasambands Íslands vegna endurnýjunar á samningi.

6.59 Styrkir til uppbyggingar landsmótsstaða. Millifærðar eru 25 m.kr. af 02–999–6.90 Ýmis stofnkostnaðarframlög. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

999 Ýmislegt.

1.81 Verkefni á vegum Menningarmálastofnunar Sameinuðu þjóðanna. Millifærðar eru 6 m.kr. af 02–919–1.98 Söfn, ýmis framlög mennta– og menningarmálaráðuneytis. Um er að ræða verkefni tengd heimsminjasamningi UNESCO. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.90 Ýmis framlög. Samtals er gert ráð fyrir 65 m.kr. lækkun fjárheimildar á þessum lið. Millifærðar eru 2 m.kr. á 02–299–1.73 Reykjavíkurakademían, um er að ræða verkefnið MIRRA, uppbygging þekkingarbanka um innflytjendamál, sem ætlunin er að fela Reykjavíkurakademíunni að gera samning um og hafa eftirlit með. Millifærðar eru 3 m.kr. á 02–905–1.01 Landsbókasafn Íslands – Háskólabókasafn, fyrirhugað er að færa verkefnið Miðstöð munnlegrar sögu til Landsbókasafns Íslands – Háskólabókasafns og fela því umsjón og eftirlit með verkefninu. Millifærðar eru 16,2 m.kr. á 02–982–1.45 Samningar við sveitarfélög um menningarmál. Millifærðar eru 20 m.kr. á nýtt viðfang, 02–982–1.19 Kynningarmiðstöðvar listgreina. Fyrirhugað er að mennta– og menningarmálaráðuneyti geri samninga við kynningarmiðstöðvar listgreina sem annist kynningu á tilteknum sviðum, svo sem á tónlist, myndlist, hönnun og leiklist. Millifærðar eru 23,8 m.kr. á nýtt viðfang, 02–982–1.90 Styrkir á sviði listgreina. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.91 Styrkir á sviði íþrótta– og æskulýðsmála. Samtals er gert ráð fyrir 24,3 m.kr. hækkun fjárheimildar á þessum lið. Millifærðar eru 10,8 m.kr. af 02–999–1.98 Ýmis framlög mennta– og menningarmálaráðuneytis, 9,3 m.kr. af 02–988–1.90 Æskulýðsmál og 4,2 m.kr. af 02–999–6.90 Ýmis stofnkostnaðarframlög. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.98 Ýmis framlög mennta– og menningarmálaráðuneytis. Annars vegar er gert ráð fyrir 76,9 m.kr. hækkun fjárheimilda á þessum lið. Í fyrsta lagi eru millifærðar 29,8 m.kr. af 02–919–1.98 Söfn, ýmis framlög mennta– og menningarmálaráðuneytis. Um er að ræða ýmsa samninga og verkefni (sjá sundurliðun hér fyrir neðan) sem ekki er talið hægt að flytja í sjóði eða í menningarsamninga á þessu stigi. Eftir er að taka endanlega ákvörðun um fyrirkomulagið og á meðan eru þessi verkefni vistuð á fjárlagalið 02–999–1.98. Verkefnin eru: Hvalasafnið á Húsavík, samningur: 5,3 m.kr. Tónlistarsafn Íslands, samningur: 5 m.kr. N–A– og A–verkefni til styrktar atvinnulífi, jarðfræðirannsókn: 7,1 m.kr. Vestfirðir, til styrktar atvinnulífi, Þjóðfræðistofa: 7,4 m.kr. Þjóðveldisbærinn í Þjórsárdal: 2 m.kr. Stafkirkja í Heimaey: 3 m.kr. Samtals: 29,8 m.kr. Í öðru lagi er veitt 28 m.kr. tímabundið framlag á ári næstu fjögur árin vegna áformaðrar endurnýjunar á samningi við Vesturfarasetrið á Hofsósi. Gildandi samningur rennur út í árslok 2011 og gert er ráð fyrir að samningur við setrið verði endurnýjaður frá og með 1. janúar 2012 og að fjárframlag ríkisins til setursins verði það sama og undanfarin fjögur ár, þ.e. 28 m.kr. á ári. Forsætisráðuneytið hefur undanfarna mánuði haft það til skoðunar hvort endurnýja beri samninginn og hefur í því sambandi einkum verið skoðað hvort rekstrarlegar forsendur séu fyrir áframhaldandi rekstri miðað við óbreyttar fjárveitingar og var leitað eftir mati Ríkisendurskoðunar hvað það varðar. Fyrir liggur að sú starfsemi sem innt hefur verið af hendi á Vesturfarasetrinu á sér ekki hliðstæðu hér á landi og að áhugi er á því að sú starfsemi og þjónusta verði áfram fyrir hendi. Setrið hefur veitt upplýsingar til Vestur–Íslendinga um rætur þeirra hér á landi, menningarlega og félagslega arfleið, íslenska ættingja og sögu og búferlaflutninga til Vesturheims. Jafnframt hefur það veitt Íslendingum upplýsingar um þá sem fluttust til Vesturheims, afkomendur þeirra og sögu, og byggt upp gagnagrunn til að slík upplýsingagjöf sé möguleg, sem og staðið fyrir sýningahaldi o.fl. Ríkisendurskoðun hefur nýlega ítrekað að skoðað verði hvort forræði í málefnum Vesturfarasetursins eigi fremur að vera hjá mennta– og menningarmálaráðuneytinu en hjá forsætisráðuneytinu. Tekið er undir það sjónarmið og lagt til að forræði í málefnum Vesturfarasetursins verði flutt til mennta– og menningarmálaráðuneytis frá og með næstu áramótum. Í þriðja lagi er veitt fjárframlag að upphæð 6,6 m.kr. til að hægt verði að halda áfram starfsemi sjóðsins „Gjöf Jóns Sigurðssonar". Ríkisstjórnin samþykkti á fundi sínum 6. september sl. að flytja mál er varða Hrafnseyri og Jón Sigurðsson frá forsætisráðuneyti til mennta– og menningarmálaráðuneytis frá og með 1. janúar 2012, starfsemin þar yrði efld og sett á fót setur til minningar um Jón Sigurðsson. Í samþykkt ríkisstjórnarinnar felst að þeir fjármunir sem hafa runnið til Hrafnseyrarnefndar og til „Gjafar Sigurðssonar" renni til hins nýja seturs. Með þessu fyrirkomulagi mun starfsemi sjóðsins í reynd leggjast niður og styrkveitingar af því tagi sem sjóðurinn hefur staðið fyrir undanfarna áratugi verða þar með úr sögunni þó að við undirbúning hins nýja seturs og aukna starfsemi þess sé m.a. litið til hlutverks þess og þátttöku í og stuðningi við rannsóknir af ýmsu tagi sem m.a. tengjast fræðasviðum sem Jón Sigurðsson lét sig varða. Í fjórða lagi er veitt 5 m.kr. tímabundið framlag til fjögurra ára til Breiðdalsseturs vegna verkefnis í sóknaráætlun landshluta. Framlagið yrði samtals 20 m.kr. og mun sveitarfélagið leggja fram sömu fjárhæð til verkefnisins. Í fimmta lagi er veitt 4 m.kr. tímabundið framlag í þrjú ár til stuðnings við sameiningarferli austfirskra stoðstofnana, svokallað AST–verkefni. Mennta– og menningarmálaráðuneytið mun vinna í samvinnu við iðnaðarráðuneytið og landshlutasamtök á Austurlandi að endurskoðun á stoðkerfi atvinnulífs, menntunar og menningar á Austurlandi með það að markmiði að sameina starfsemi og þjónustu undir nýrri sjálfseignarstofnun. Í sjötta lagi er veitt 3,5 m.kr. tímabundið framlag til Snorraverkefnis í samræmi við ríkisstjórnarsamþykkt frá 23. ágúst 2011. Ríkisstjórnin samþykkti að veita 3,5 m.kr. á ári til verkefnisins árin 2012–2014 og mennta– og menningarmálaráðuneyti var falið að gera samning við stjórn Snorrasjóðs um verkefnið. Tilgangur Snorraverkefnisins er að veita ungu fólki, á aldrinum 18 til 28 ára, af íslenskum ættum í Norður–Ameríku tækifæri til að kynnast Íslandi í sex vikna sumarverkefni. Hins vegar er gert ráð fyrir 119,3 m.kr lækkun fjárheimildar á þessum lið. Millifærðar eru 5 m.kr. á 02–908–1.01 Kvikmyndasafn Íslands til að efla reksturinn, m.a. vegna endurnýjunar á samningi við kvikmyndagerðarmenn. Millifærðar eru 6 m.kr. á 02–981–1.01 Kvikmyndamiðstöð Íslands, 7 m.kr. á nýtt viðfang, 02–919–1.90 Styrkir á sviði menningararfs, 10,8 m.kr. á nýtt viðfang, 02–999–1.91 Styrkir til íþrótta– og æskulýðsmála, 26,7 m.kr. á nýtt viðfang, 02–982 1.19 Kynningarmiðstöðvar listgreina, 27,2 m.kr. á nýtt viðfang, 02–982–1.90 Styrkir á sviði listgreina, 36,3 m.kr. á 02–981–1.10 Kvikmyndasjóðir. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti. Fyrirhugað er að mennta– og menningarmálaráðuneyti geri samninga við kynningarmiðstöðvar listgreina sem annist kynningu á tilteknum sviðum, svo sem á tónlist, myndlist, hönnun og leiklist.

6.90 Ýmis stofnkostnaðarframlög. Samtals er gert ráð fyrir 77,1 m.kr. lækkun fjárheimildar á þessum lið. Millifærðar eru 0,5 m.kr. á 02–979–6.10 Húsafriðunarsjóður, 4,2 m.kr. á nýtt viðfang, 02–999 1.91 Styrkir til íþrótta– og æskulýðsmála, 14 m.kr. á 02–918–1.10 Safnasjóður, 25 m.kr. á nýtt viðfang, 02–989–6.59 Styrkir til uppbyggingar landsmótsstaða og 33,4 m.kr. á 02–982–1.45 Samningar við sveitarfélög um menningarmál. Millifærslurnar eru hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

Eftirfarandi breytingar voru gerðar á framlögum til málefnaflokka ráðuneytisins:

	Frumvarp	Fjárlög	Breyting
	2012	2012
	m.kr.	m.kr.	m.kr.	%
Ráðuneyti	1.629,6	1.677,2	47,6	3
Sendiráð og fastanefndir	2.800,0	2.800,0	0,0	-
Þróunarmál og alþjóðastofnanir	4.876,7	4.982,7	106,0	2
Útflutningsmál	439,0	445,0	6,0	1
Samtals	9.745,3	9.904,9	159,6	2
Greitt úr ríkissjóði	9.306,3	9.459,9	153,6	2
Innheimt af ríkistekjum	439,0	445,0	6,0	1
Viðskiptahreyfingar	0,0	0,0	0,0	-
Samtals	9.745,3	9.904,9	159,6	2

111 Þýðingamiðstöð utanríkisráðuneytis.

1.01 Þýðingamiðstöð utanríkisráðuneytis. Samþykkt er að 186 m.kr. fjárheimild sem gert er ráð fyrir í frumvarpinu til að ráðstafa styrk frá Evrópusambandinu vegna þýðingaverkefna verði hækkuð um 42,3 m.kr. í 228,3 m.kr. eða sem svarar til 1,4 m. evra. Þegar upphafleg tillaga var sett fram í frumvarpinu lá ekki nægilega vel fyrir áætlun um kostnaðarskiptingu á milli áranna 2011 og 2012. Á móti var flutt tillaga um lækkun fjárheimildar við 2. umræðu um fjáraukalagafrumvarp fyrir árið 2011.

190 Ýmis verkefni.

1.18 Markaðssetning og kynning á íslenskum matvælum á erlendri grund. Veitt er 12 m.kr. tímabundið framlag í tvö ár á nýju viðfangsefni til að standa straum af verkefnum utanríkisráðuneytis á sviði kynningar á íslenskum matvælum og ferðaþjónustu og frekari þróun á markaðssetningu í Norður–Ameríku. Enskt heiti þessa verkefnis er Sustainable Iceland.

401 Alþjóðastofnanir.

1.36 Verkefni á sviði norðurslóðasamstarfs. Veitt er 16,8 m.kr. tímabundna fjárheimild til fjögurra ára til Samræmingarmiðstöðvar norðurslóðamála eða samtals 67,2 m.kr. á árunum 2012–2015. Utanríkisráðuneytið leiðir þessa samræmingu í samvinnu við umhverfisráðuneytið og mennta– og menningarmálaráðuneytið. Markmiðið er að skapa samstarfsvettvang norðurslóðasamtaka og stofnana og styðja við rannsóknir og upplýsingamiðlun um norðurslóðamál. Verkefnið er í samræmi við norðurslóðastefnu Íslands sem samþykkt var í mars 2011 og er eitt af sóknaráætlunarverkefnum landshluta.

1.85 Alþjóðleg friðargæsla. Samþykkt er að hækka tímabundið framlög til friðargæslu Sameinuðu þjóðanna um 89,2 m.kr. Nú er gert ráð fyrir að heildarframlög til hennar á árinu 2012 verði 430,5 m.kr. (3.770.000 USD) en í frumvarpinu var gert ráð fyrir 341,3 m.kr. Stafar þessi hækkun af auknum verkefnum friðargæslunnar sem tengjast m.a. stofnun tveggja nýrra friðargæslusveita í Suður–Súdan og verkefnis í Líbíu sem líklegt þykir að verði samþykkt í öryggisráði Sameinuðu þjóðanna á næstu mánuðum. Miklar sveiflur eru í fjárhag alþjóðlegu friðargæslunnar milli ára en verkefnin ákvarðast af heimsviðburðum sem oft er ekki hægt að sjá fyrir þegar áætlanir eru gerðar. Fjárhagsáætlun vegna friðargæsluverkefna Sameinuðu þjóðanna er gerð fyrir tímabilið 1. júlí til 30. júní og liggur ekki fyrir fyrr en í lok júní. Sú fjárhagsáætlun nær að auki aðeins fram til júní næsta árs en fjárlög íslenska ríkisins ná til loka ársins. Þarf því að endurskoða þessar áætlanir fyrir afgreiðslu fjárlaga hvers árs miðað við þær upplýsingar sem fyrir liggja á hverjum tíma.

611 Íslandsstofa.

1.10 Íslandsstofa. Í endurskoðaðri áætlun um tekjur af markaðsgjaldi er gert ráð fyrir 6 m.kr. hækkun tekna af gjaldinu. Tekjur af markaðsgjaldi renna óskiptar til Íslandsstofu.

Eftirfarandi breytingar voru gerðar á framlögum til málefnaflokka ráðuneytisins:

	Frumvarp	Fjárlög	Breyting
	2012	2012
	m.kr.	m.kr.	m.kr.	%
Ráðuneyti	839,4	844,8	5,4	1
Eftirlitsstofnanir	1.813,8	1.819,4	5,6	0
Skógrækt og landgræðsla	387,4	387,4	0,0	-
Greiðslur vegna búvöruframleiðslu	11.131,0	11.131,0	0,0	-
Framlög og sjóðir í þágu landbúnaðar	2.841,5	2.861,5	20,0	1
Rannsóknir	2.364,9	2.380,8	15,9	1
Samtals	19.378,0	19.424,9	46,9	0
Greitt úr ríkissjóði	16.639,6	16.686,5	46,9	0
Innheimt af ríkistekjum	2.738,4	2.738,4	0,0	-
Viðskiptahreyfingar	0,0	0,0	0,0	-
Samtals	19.378,0	19.424,9	46,9	0

190 Ýmis verkefni.

1.37 Hafréttarstofnun Íslands. Millifærðar eru 2,6 m.kr. af 04–190–1.98 Ýmis framlög sjávarútvegs– og landbúnaðarráðuneytis. Um er að ræða framlag til reksturs Hafréttarstofnunar. Er það liður í umbótum á fyrirkomulagi úthlutunar– og styrkjaliða í samvinnu við og að frumkvæði fjárlaganefndar. Ætlunin er að vinna með verkefni af þessum toga samstætt sem málaflokka og munu úthlutanir fara fram á faglegum grundvelli.

1.90 Stuðningur við áhugahópa og faglegt starf. Annars vegar er gert ráð fyrir 3,4 m.kr. hækkun fjárheimilda á þessum lið. Millifærðar eru 3,4 m.kr. af 04–190–1.98 Ýmis framlög sjávarútvegs– og landbúnaðarráðuneytis. Er þetta liður í umbótum á fyrirkomulagi úthlutunar– og styrkjaliða í samvinnu við og að frumkvæði fjárlaganefndar. Ætlunin er að vinna með verkefni af þessum toga samstætt sem málaflokka og munu úthlutanir fara fram á faglegum grundvelli. Hins vegar er gert ráð fyrir 8,5 m.kr. lækkun fjárheimilda. Í fyrsta lagi eru millifærðar 3,7 m.kr. á 04–419–1.13 Laxfiskar. Um er að ræða framlag vegna atferlisrannsókna á nytjafiskum á grunnsævi. Sjá skýringu við lið 04–190–1.37 Hafréttarstofnun Íslands Í öðru lagi eru millifærðar 4,8 m.kr. á 04–485–1.11 Tún vottunarstofa – þróunarstarf. Um er að ræða framlag vegna þróunarstarfs á sviði framleiðslu lífrænna afurða. Sjá skýringu við lið 04–190–1.37 Hafréttarstofnun Íslands

1.94 Ýmis samningsbundin verkefni. Samþykkt er að 102,8 m.kr. færist á nýtt viðfangsefni, 04–190–1.94 Ýmis samningsbundin verkefni. Við 2. umræðu var samþykkt að færa þessa fjárhæð af liðum 04–190–1.90 og 1.98 en eftir var að finna henni nýjan stað. Fjárhæðin eru ætluð til ýmissa verkefna sem tilgreind eru í nefndaráliti meiri hlutans við 2. umræðu. Er það hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.98 Ýmis framlög sjávarútvegs– og landbúnaðarráðuneytis. Annars vegar er gert ráð fyrir 8 m.kr. hækkun fjárheimildar á þessum lið. Veittar eru 8. m.kr. í tengslum við sóknaráætlun landshluta vegna Vestfjarða í tengslum við verkefnið Haf og strönd. Er það hluti af verkefnum tengdum sóknaráætlun landshluta sem unnið er að á vegum ríkisstjórnarinnar í samræmi við stefnumörkunina Ísland 2020. Verkefnið Haf og strönd er unnið af heimamönnum á Vestfjörðum og samanstendur af fimm umfangsmiklum verkefnum sem öll tengjast og eru samheiti yfir rannsóknir og þróunar–, háskóla– og nýsköpunarstarf sem tengist hafinu og ströndinni. Verkefnin byggjast á þekkingu og kjarnahæfni svæðisins. Aukin uppbygging mun efla þann mannauð og atvinnulíf sem fyrir er á svæðinu. Verkefnishugmyndir fjalla um bætta veiðitækni og minni orkunotkun við fiskveiðar, svo og fjarðarannsóknir, en þrátt fyrir að firðir við Ísland gegni mikilvægu hlutverki sem fæðu– og uppeldisslóð nytjafiska hafa tiltölulega takmarkaðar vistfræðilegar rannsóknir verið stundaðar á þeim. Áhugi á lax– og þorskeldi í fjörðum hefur aukist en samfara þessari þróun eykst álag og hætta á röskun vistkerfis fjarðanna. Kortlagning vestfirskra strandsvæða með tilliti til nýtingar er mikilvægt verkefni sem brýnt er að verði unnið. Í nýjum lögum um stjórn vatnamála er áhersla á verndun og nýtingu strandsjávar. Verkefnishugmyndin tengist sjávarútvegs– og landbúnaðarráðuneyti, umhverfisráðuneyti og mennta– og menningarmálaráðuneyti og undirstofnunum þeirra, þ.e. Hafrannsóknastofnuninni og Veðurstofu Íslands en jafnframt Háskólasetri Vestfjarða. Hins vegar er gert ráð fyrir 102,9 m.kr. lækkun fjárheimilda á þessum lið sem skiptist svo: Millifærð er 1 m.kr. á 04–485–1.17 Tilraunastöðin Stóra–Ármót. Um er að ræða framlag vegna kostnaðar við mannvirkjagerð og rekstur. Millifærðar eru 2,6 m.kr. á 04–190–1.37 Hafréttarstofnun Íslands. Um er að ræða framlag til reksturs Hafréttarstofnunar. Millifærðar eru 2,6 m.kr. á 04–234–1.01 Matvælastofnun. Rannsóknir á ræktunarsvæðum kræklings og veiðisvæðum kúffisks. Millifærðar eru 3,4 m.kr. á 04–190–1.90 Stuðningur við áhugahópa og faglegt starf. Millifærðar eru 5,8 m.kr. á 04–485–1.15 Landssamtök hestamanna og hrossaræktar – þróunarstarf. Um er að ræða framlag til þróunar– og átaksverkefna í hrossarækt. Millifærðar eru 5,9 m.kr. á 04–419–1.21 Selasetur á Hvammstanga. Um er að ræða framlag til uppbyggingar Selaseturs Íslands og eflingar selarannsókna. Millifærðar eru 5,9 m.kr. á 04–485–1.13 Beint frá býli – þróunarstarf. Um er að ræða stuðning við kynningar– og þróunarstarf vegna framleiðslu og sölu á heimaunnum afurðum. Millifærðar eru 20 m.kr. á 04–419–1.19 Samstarf Versins, Matís og Háskólans á Hólum. Um er að ræða framlag til uppbyggingar vettvangs til aukins samstarfs atvinnulífs, háskóla og rannsóknaraðila auk eflingar menntunar, rannsókna og þróunarstarfa á landsbyggðinni. Millifærðar eru 25,4 m.kr. á 04–419–1.15 Vör, sjávarrannsóknasetur við Breiðafjörð. Um er að ræða framlag vegna sjávarrannsókna við Breiðafjörð. Millifærðar eru 30,3 m.kr. á 04–419–1.11 Biopol ehf. Um er að ræða framlag vegna uppbyggingar sjávarlíftækniseturs á Skagaströnd. Er þetta liður í umbótum á fyrirkomulagi úthlutunar– og styrkjaliða í samvinnu við og að frumkvæði fjárlaganefndar. Ætlunin er að vinna með verkefni af þessum toga samstætt sem málaflokka og munu úthlutanir fara fram á faglegum grundvelli.

215 Fiskistofa.

1.01 Fiskistofa. Millifærðar eru 3 m.kr. á 04–217–1.01 Verðlagsstofa skiptaverðs.

217 Verðlagsstofa skiptaverðs.

1.01 Verðlagsstofa skiptaverðs. Samtals er gert ráð fyrir 6 m.kr. hækkun fjárheimilda á þessum lið. Millifærðar eru 3 m.kr. af 04–215–1.01 Fiskistofa og 3 m.kr. af 04–401–1.01 Hafrannsóknastofnunin.

234 Matvælastofnun.

1.01 Matvælastofnun. Millifærðar eru 2,6 m.kr. af 04–190–1.98 Ýmis framlög sjávarútvegs– og landbúnaðarráðuneytis. Rannsóknir á ræktunarsvæðum kræklings og veiðisvæðum kúffisks.

401 Hafrannsóknastofnunin.

1.01 Hafrannsóknastofnunin. Millifærðar eru 3 m.kr. á 04–217–1.01 Verðlagsstofa skiptaverðs.

821 Framleiðnisjóður landbúnaðarins.

1.01 Framleiðnisjóður landbúnaðarins. Veitt er 20 m.kr. framlag til rannsóknarverkefna.

 

Eftirfarandi breytingar voru gerðar á framlögum til málefnaflokka ráðuneytisins:

	Frumvarp	Fjárlög	Breyting
	2012	2012
	m.kr.	m.kr.	m.kr.	%
Ráðuneyti	1.100,6	1.171,1	70,5	6
Dómsmál	2.339,7	2.339,7	0,0	-
Löggæslustofnanir og öryggismál	11.454,3	11.988,2	533,9	5
Sýslumenn	4.112,3	4.180,4	68,1	2
Fangelsismál	1.283,2	1.556,2	273,0	21
Kirkjumál	4.595,5	4.685,5	90,0	2
Landsskrár	822,0	822,0	0,0	-
Neytendamál	187,6	187,6	0,0	-
Vega- og umferðarmál	16.025,3	16.515,3	490,0	3
Siglingamál	1.335,2	1.479,2	144,0	11
Flugmál	2.301,5	2.301,5	0,0	-
Póst- og fjarskiptamál	336,2	371,7	35,5	11
Sveitarstjórnarmál	15.346,7	15.065,7	-281,0	-2
Samtals	61.240,1	62.664,1	1.424,0	2
Greitt úr ríkissjóði	44.086,5	45.137,6	1.051,1	2
Innheimt af ríkistekjum	17.078,6	17.451,5	372,9	2
Viðskiptahreyfingar	75,0	75,0	0,0	-
Samtals	61.240,1	62.664,1	1.424,0	2

101 Innanríkisráðuneyti, aðalskrifstofa.

1.01 Innanríkisráðuneyti, aðalskrifstofa. Málefni upplýsingasamfélagsins færist frá forsætisráðuneytinu til innanríkisráðuneytisins, en forsætisráðherra og innanríkisráðherra hafa sammælst um það. Við það flyst eitt stöðugildi og 12 m.kr. fjárheimild á milli ráðuneytanna, sem og umsýsla með verkefnum á sviði upplýsingamála. Á þeim 14 árum sem forsætisráðuneytið hefur sinnt upplýsingasamfélagsmálunum hefur orðið gríðarleg þróun á þessu sviði, talsverðar breytingar hafa orðið á skipulagi og verkaskiptingu ráðuneyta og áherslur í málaflokknum hafa skýrst. Miðað við núverandi skipulag Stjórnarráðsins falla verkefni upplýsingasamfélagsins og rafrænnar stjórnsýslu mun betur að verkefnasviði innanríkisráðuneytis en forsætisráðuneytis sem ekki er með önnur sambærileg málefnasvið innan sinna vébanda. Kostir þess að vista málaflokkinn í innanríkisráðuneyti eru m.a. ótvíræð samlegð og skyldleiki við fjarskiptamál og þörf á aukinni samvinnu milli ríkis og sveitarfélaga um upplýsingatæknimál. Mörg erlend samstarfsverkefni, m.a. á vettvangi norrænu ráðherranefndarinnar, OECD og í tengslum við EES–samninginn, varða bæði upplýsingatækni og fjarskipti. Þá má geta þess að í Danmörku og Svíþjóð eru málefni upplýsingasamfélagsins og fjarskipta vistuð í sama ráðuneyti. Verkefnið island.is er nú á ábyrgð Þjóðskrár Íslands sem heyrir undir innanríkisráðuneytið. Eðlilegt er að samráðshópur um island.is (sem nú er á ábyrgð forsætisráðuneytis) og forusta upplýsingasamfélagsmálanna sé í ráðuneyti sem hefur með mál Þjóðskrár Íslands að gera.

103 Lagasafn.

1.10 Útgáfa lagasafns. Millifærð er 2,5 m.kr. fjárheimild og jafnháar sértekjur á 06–190–1.16 Ýmis verkefni, útgáfa lagasafns. Ekki þykir ástæða til að hafa lága fjárhæð á sérstökum fjárlagalið þar sem ekki er um stofnun að ræða né sjálfstæðan forstöðumann og því er fjárveitingin flutt á lið ýmissa verkefna hjá innanríkisráðuneytinu.

190 Ýmis verkefni.

1.10 Fastanefndir. Veitt er 2,5 m.kr. tímabundið framlag vegna áframhaldandi vinnu eftirlitsnefndar með fjármálum Álftaness. Í fjárlögum 2010 var veitt sérstakt tímabundið 5 m.kr. framlag í eitt ár til fastanefnda samgöngu– og sveitarstjórnarráðuneytisins vegna aukinna verkefna eftirlitsnefndar með fjármálum sveitarfélaga, en nefndin hafði þá fengið það verkefni að greiða úr fjármálum Sveitarfélagsins Álftaness. Með gildandi fjárlögum var framlagið framlengt um eitt ár þegar ljóst var orðið að verkefninu lyki ekki fyrr en í fyrsta lagi á yfirstandandi ári. Við undirbúning frumvarps til fjárlaga fyrir árið 2012 var enn gert ráð fyrir að svo yrði og því fór innanríkisráðuneytið ekki fram á framlengingu framlagsins. Nú er ljóst að þetta mun ekki ganga eftir; verkefninu lýkur ekki á þessu ári og því verður 2,5 m.kr. varið til verkefnisins á næsta ári.

1.16 Útgáfa lagasafns. Veitt er 2,5 m.kr. fjárheimild og jafnháar sértekjur af fjárlagalið 06–103–1.10 Lagasafn. Ekki þykir ástæða til að hafa lága fjárhæð á sérstökum fjárlagalið þar sem ekki er um stofnun að ræða né sjálfstæðan forstöðumann og því er fjárveitingin flutt á lið ýmissa verkefna hjá innanríkisráðuneytinu.

1.49 Vitundarvakningarátak um ofbeldi gegn börnum. Veitt er 25 m.kr. tímabundið framlag vegna kostnaðar við vitundarvakningarátak Evrópuráðsins um ofbeldi gegn börnum. Verkefnið byggist á samvinnu þriggja ráðuneyta og kostnaðaráætlun miðast við að veittar verði 25 m.kr. á fyrsta ári, en 16 m.kr. árin tvö á eftir. Meðal þess sem áætlað er að styrkja á fyrsta árinu er fræðsluátak í grunnskólum landsins, bæði fyrir nemendur og kennara. Þá yrði haldin ráðstefna með aðkomu ákæruvalds, dómstóla og lögregluyfirvalda auk kynningar á sáttmála Evrópuráðsins um varnir gegn kynferðislegu ofbeldi og misneytingu á börnum. Gert er ráð fyrir að fjárveitingar verði millifærðar yfir á viðeigandi gjaldaliði fjárlaga í samræmi við framvindu verkefnisins.

1.90 Ýmislegt. Millifærðar eru 17,6 m.kr. á liðinn 06–190–198 Ýmis framlög innanríkisráðuneytis til samræmingar og einföldunar á framsetningu ýmissa verkefna ráðuneytisins.

1.98 Ýmis framlög innanríkisráðuneytis. Samtals er gert ráð fyrir 48,6 m.kr. hækkun fjárheimildar á þessum lið. Í fyrsta lagi eru millifærðar 17,6 m.kr. af liðnum 06–190–1.90 Ýmislegt til samræmingar og einföldunar á framsetningu ýmissa verkefna ráðuneytisins. Í öðru lagi er veitt 15 m.kr. tímabundið framlag vegna vinnu starfshóps sem skipaður hefur verið til að fara yfir gögn um Guðmundar– og Geirfinnsmál. Starfshópnum er falið að fara yfir málið í heild sinni en sérstaklega þá þætti sem snúa að rannsókn þess og framkvæmd hennar. Þau gögn sem komið hafa fram á síðustu missirum og árum verði tekin til athugunar. Í áfangaskýrslu sem hópnum er ætlað að skila komi fram hvort og þá til hvaða ráðstafana þurfi að grípa varðandi framhald málsins. Starfshópurinn mun geta kallað sérfræðinga til ráðgjafar eftir því sem hann telur þörf á. Í þriðja lagi er veitt 6 m.kr. fjárveiting í samræmi við verkefnið Sóknaráætlun landshluta til að efla sveitarstjórnarstigið á Vesturlandi, 5 m.kr. fjárveiting til efla fjarskipti og gagnaflutninga á Norðurlandi eystra og 5 m.kr. fjárveiting til að efla fjarskipti og gagnaflutninga á Vesturlandi. Hér er um að ræða þrjú af 29 verkefnum innan stefnumörkunarinnar Ísland 2020 og eru á ábyrgð innanríkisráðuneytisins.

301 Ríkissaksóknari.

1.05 Ríkissaksóknari. Millifærð er 10,6 m.kr. fjárveiting frá embætti sérstaks saksóknara til ríkissaksóknara vegna flutnings á stöðu saksóknara efnahagsbrota til ríkissaksóknara.

303 Ríkislögreglustjóri.

1.01 Ríkislögreglustjóri. Veitt er 20 m.kr. framlag til þess að unnt verði að fjölga starfsmönnum almannavarnadeildar um tvo. Á undanförnum fjórum árum hefur viðbragðskerfi almannavarna undir stjórn almannavarnadeildar í Samhæfingar– og stjórnstöðinni í Skógarhlíð tekist á við hvert stórverkefnið á fætur öðru á hverju ári; jarðskjálfta 2008, viðbrögð vegna svínaflensu 2009, eldgosin í Fimmvörðuhálsi og Eyjafjallajökli 2010 og eldgosið í Grímsvötnum 2011. Eftir því sem sérfræðingar segja sér ekki fyrir endann á eldgosahættu og hættuástandi af þeim sökum. Ljóst sé að ekki verði lengur við það ráðið að sinna sífellt fleiri og umfangsmeiri verkefnum á sviði almannavarna með eingöngu fimm starfsmönnum. Nú sé svo komið að þessi aðgerðastörf og aðgerðastjórn almannavarnadeildar krefjist svo mikils vinnuálags að starfsmenn ná ekki fullnægjandi hvíld, mikilvæg og brýn verkefni á sviði almannavarna komist ekki til framkvæmda og önnur brýn verkefni á sviði undirbúnings, viðbragðsáætlanagerðar o.fl. hafi frestast.

309 Sérstakur saksóknari samkvæmt lögum nr. 135/2008.

1.01 Sérstakur saksóknari. Millifærð er 10,6 m.kr. fjárveiting á 06–301–1.05 Ríkissaksóknari vegna flutnings á stöðu saksóknara efnahagsbrota til ríkissaksóknara.

325 Samræmd neyðarsvörun.

1.10 Samræmd neyðarsvörun. Framlag til Neyðarlínunnar hækkar tímabundið til eins árs um 20 m.kr. til að ljúka vinnu við útkallskerfi sem ætlað er að vara ferðamenn og aðra sem eru með gsm–síma á hættuslóð við tafarlausri hættu. Verkefnið er unnið í samvinnu við símafélögin og almannavarnadeild ríkislögreglustjóra og er komið áleiðis en fjármuni vantar til að ljúka því með þeim hætti að kerfið fullnægi þeim kröfum sem til þess er gert, þ.e. að boð verði send innan 5 mínútna eftir að tilkynning um hættu hefur borist Neyðarlínunni. Kostnaðurinn verður til annars vegar hjá símafélögunum og hins vegar er kostnaður vegna hugbúnaðar til að sækja og senda í gegnum kerfi símafélaganna en Neyðarlínan mun bera þann kostnað sem snýr að henni, lögreglu og samhæfingarstöðinni.

390 Ýmis löggæslu– og öryggismál.

1.17 Rannsóknamiðstöð Háskóla Íslands í jarðskjálftaverkfræði. Liðurinn hækkar um 2,4 m.kr. vegna verðlagsuppfærslu.

395 Landhelgisgæsla Íslands.

1.90 Landhelgisgæsla Íslands. Veitt er 200 m.kr. fjárveiting til Landhelgisgæslunnar vegna tímabundinnar leigu á þyrlu. Vegna reglubundins og meiri háttar viðhalds TF–LÍF á næsta ári verður aðeins ein þyrla starfhæf til leitar og björgunarstarfa í allt að 16–22 vikur á næsta ári. Takmarkast björgunargeta það tímabil við sjóbjörgun innan 20 sjómílna frá ströndum landsins. Á ríkisstjórnarfundi 28. október sl. var samþykkt að leita eftir tilboðum í leigu á þyrlu meðan TF–LÍF fer í svokallaða G–skoðun sem er allsherjarskoðun á öllum hlutum vélarinnar. Kostnaður við skoðunina sjálfa er áætlaður um 250–300 m.kr. og verður uppsafnaður rekstrarafgangur Landhelgisgæslunnar, sem myndast hefur vegna sérverkefna erlendis, notaður til að fjármagna skoðunina.

398 Útlendingastofnun.

1.01 Útlendingastofnun. Annars vegar hæækar framlag til Útlendingastofnunar um 12 m.kr. vegna breytinga á lögum nr. 96/2002, um útlendinga. Í lögunum er að finna breytingar sem hafa í för með sér aukin útgjöld fyrir ríkissjóð, m.a. vegna fjölgunar dvalarleyfa af mannúðarástæðum, svo og vegna skipunar talsmanns fyrir þá útlendinga sem kæra ákvörðun vegna umsóknar um hæli. Vegna gríðarlegrar fjölgunar á málum hjá stofnuninni á umliðnum missirum er útilokað að hægt verði að bæta þessari vinnu við þau verkefni sem fyrir eru án fjölgunar á stafsfólki. Hins vegar er millifærð 64 m.kr. fjárveiting á nýjan fjárlagalið 06–399–1.01 Hælisleitendur í samræmi við samþykkt ríkisstjórnarinnar frá 26. ágúst sl. Sjá skýringu við lið 06–399–1.01 Hælisleitendur.

399 Hælisleitendur.

1.01 Hælisleitendur. Samtals er gert ráð fyrir 77 m.kr. hækkun fjárheimildar á þessum lið. Annars vegar er millifærð 64 m.kr. fjárveiting af 06–398–1.01 Útlendingastofnun í samræmi við samþykkt ríkisstjórnarinnar frá 26. ágúst sl. Miklar sveiflur eru í umsóknum um hælisvist hér á landi á milli ára og þykir fara betur á því að þessi liður sé með sjálfstæðan fjárhag en verði ekki hluti af rekstrarkostnaði Útlendingastofnunar. Þannig verði sýnilegra hver kostnaður við hælisleitendur er og hvernig útgjöld vegna málaflokksins sveiflast með fjölda þeirra og lengd málsmeðferðarinnar. Hins vegar er veitt 13 m.kr. hækkun fjárveitingar á þessum lið í ljósi reynslu síðustu ára af kostnaði við hælisleitendur. Framfærsla hælisleitenda felur í sér þá þjónustu sem hælisleitendum stendur til boða á meðan mál þeirra er til meðferðar hér á landi. Hér undir fellur m.a. húsnæði, fæði, félagsþjónusta og almenn heilsugæsla. Þjónustan er ákveðin með samningi milli Útlendingastofnunar og félagsþjónustu þess sveitarfélags sem annast þjónustuna og er ætlað að standa undir allri þjónustu sem hælisleitendur kunna að þurfa á að halda fyrir utan alvarleg eða skyndileg veikindi. Mismunandi er hve lengi hver og einn hælisleitandi nýtur framfærslu en það ræðst m.a. af málsmeðferðartíma hjá Útlendingastofnun og hjá innanríkisráðuneyti. Lengri málsmeðferðartími þýðir aukinn kostnaður á þessum fjárlagalið. Á árunum 2007–2010 hefur kostnaður vegna málefna hælisleitenda verið um 77 m.kr. á ári. Sveiflur í umsóknum eru verulegar og hefur það vissulega áhrif á kostnað einstakra ára. Nú er miðað við að hælisleitendur verði á bilinu 40–60 en heildarkostnaðurinn ræðst síðan af lengd málsmeðferðarinnar. Til samanburðar má nefna að á síðasta ári sótti 51 um hæli hér á landi, 35 árið 2009, 73 árið 2008 og 42 árið 2007. Sveiflur í fjölda hælisleitenda eru því miklar en allt bendir til að hælisleitendum muni fara fjölgandi á komandi misserum.

501 Fangelsismálastofnun ríkisins.

1.01 Fangelsismálastofnun ríkisins. Samtals er gert ráð fyrir 28 m.kr. hækkun fjárheimildar á þessum lið. Í fyrsta lagi verður fjárveiting stofnunarinnar hækkuð um 18 m.kr. Í nýsamþykktum lögum um rafrænt eftirlit og samfélagsþjónustu er gert ráð fyrir að einstaklingar verði metnir sérstaklega sem teljast hæfir til að gegna samfélagsþjónustu og vera undir rafrænu eftirliti. Samtals hefur verið áætlað að bæta þurfi við tveimur stöðugildum hjá stofnuninni vegna þessara verkefna og er kostnaðurinn áætlaður 18 m.kr. á ári með starfstengdum kostnaði og lítils háttar aðkeyptri þjónustu. Í öðru lagi er veitt 7 m.kr. framlag vegna meðferðargangs á Litla–Hrauni. Í þriðja lagi er veitt 3 m.kr. tímabundið framlag vegna stofnkostnaðar við upphaf rafræns eftirlits og aukinnar samfélagsþjónustu í samræmi við nýsamþykkt lög þar um. Áætlanir gera ráð fyrir að kostnaður við forritun og tölvubúnað, auk kostnaðar við farsíma vegna rafræns eftirlits, geti verið um 3 m.kr.

591 Fangelsisbyggingar.

6.10 Stofnframkvæmdir. Samtals er gert ráð fyrir 245 m.kr. hækkun fjárheimildar á þessum lið. Annars vegar er veitt tímabundið framlag upp á 190 m.kr. til hönnunar á nýju gæsluvarðhalds–, móttöku– og kvennafangelsi. Heildarkostnaður við hönnunina er áætlaður 220 m.kr. Reiknað er með að þar af verði 30 m.kr. varið til samkeppni arkitekta um hönnun og er miðað við að sá kostnaður verði fjármagnaður með yfirfærðum afgangsheimildum liðarins. Gert er ráð fyrir að í framhaldinu muni hönnun byggingarinnar kosta 170 m.kr. og að skipting þess kostnaðar verði til helminga milli arkitekta og verkfræðinga. Einnig er reiknað með 20 m.kr. kostnaði við umsjón Framkvæmdasýslu ríkisins með verkefninu. Innanríkisráðherra mun leggja fram þingsályktunartillögu á Alþingi um heildarstefnumörkun í afplánun dóma og fangelsisvistun fyrir 1. febrúar 2012. Hins vegar er veitt tímabundið 55 m.kr. framlag til öryggismála í fangelsum. Af framlaginu renna 5 m.kr. til Hegningarhússins og fangelsisins að Kópavogsbraut 17 en 50 m.kr. til fangelsisins á Litla–Hrauni sem er fyrsti liðurinn í áætlun um endurbætur og uppbyggingu öryggisfangelsis þar í samræmi við skýrslu nefndar um framtíðarrekstur fangelsisins frá október 2007.

651 Vegagerðin.

1.11 Styrkir til ferja og sérleyfishafa. Samtals er gert ráð fyrir 180 m.kr. hækkun fjárheimildar á þessum lið. Annars vegar er veitt 135 m.kr. fjárheimild vegna aukinnar fjárþarfar við rekstur Herjólfs þar sem forsendur fyrir rekstrinum hafa ekki gengið eftir. Gert var ráð fyrir níu manna áhöfn með siglingum til Landeyjahafnar en þegar þurfti að taka upp siglingar til Þorlákshafnar varð að fjölga aftur í áhöfn um þrjá menn. Ekki verður hægt að fækka í áhöfn nema siglingar verði varanlegar í Landeyjahöfn. Kostnaðarauki af fjölgun í áhöfn er um 70 m.kr. Þá hefur hafnarkostnaður í rekstri einnig aukist frá fyrri forsendum þar sem í dag eru reknar þrjár hafnir í stað tveggja. Leiga og rekstur Landeyjahafnar lækkar ekkert meðan siglingar fara um Þorlákshöfn og í Þorlákshöfn var þörf á að gera samninga þannig að höfnin gæti áfram tekið á móti Herjólfi. Kostnaðarauki er um 15 m.kr. Þá er olíunotkun töluvert meiri en gert hefur verið ráð fyrir vegna lengri siglingaleiðar og er sá kostnaðarauki áætlaður 50 m.kr. á ársgrundvelli. Hins vegar er veitt 45 m.kr. fjárheimild vegna breytinga á samsetningu farþega– og fraktflutninga með tilkomu Landeyjahafnar. Þar sem virðisaukaskattur er ekki lagður á farþegaflutninga heldur einungis bíla– og vöruflutninga með ferjunni má einungis innskatta í hlutfalli við tekjur af bíla– og vöruflutningum. Með tilkomu Landeyjahafnar hefur farþegafjöldinn margfaldast, en bílaflutningar ekki að sama skapi og vöruflutningar stóðu í stað. Þar af leiðandi breyttist innsköttunarhlutfallið til hins verra. Þessi minni innsköttun leiðir til kostnaðarauka í viðskiptum Vegagerðarinnar við rekstraraðila ferjunnar.

1.12 Styrkir til almenningssamgangna á höfuðborgarsvæðinu. Veitt er 150 m.kr. hækkun á framlagi til reksturs almenningssamgangna á höfuðborgarsvæðinu á grundvelli samnings um 10 ára tilraunaverkefni um eflingu almenningssamgangna á höfuðborgarsvæðinu. Framlagið er til viðbótar við 200 m.kr. framlag sem gert er ráð fyrir í frumvarpinu.

1.13 Styrkir til innanlandsflugs. Veitt er 10 m.kr. tímabundna hækkun á framlagi til Vegagerðarinnar til að styðja við innanlandsflug, einkum til að mæta brýnustu þörf þar sem ella stefndi í að flugi yrði hætt.

5.10 Viðhald. Fjárheimild á þessum lið lækkar um 50 m.kr.

6.10 Framkvæmdir. Annars vegar hækkar fjárheimild þessa liðs með 300 m.kr. tímabundnu framlagi á framkvæmdalið Vegagerðarinnar til að endurbyggja brúna yfir Múlakvísl. Gert er ráð fyrir að byggð verði sams konar brú og tók af í hamfaraflóðinu sem orsakaðist af eldsumbrotum í Grímsvötnum fyrr á þessu ári. Samkvæmt kostnaðaráætlun er endurstofnvirði slíkrar brúar 380 m.kr. en því til viðbótar er gert ráð fyrir 100 m.kr. til að tengja brúna að nýju við vegakerfið og 50 m.kr. til að endurgera varnargarða á svæðinu. Samtals er því kostnaðaráætlunin að fjárhæð 530 m.kr. en á móti kemur hlutur viðlagatryggingar sem áætlað er að verði rúmar 200 m.kr. Hins vegar lækkar fjárheimild þessa liðs um 100 m.kr.

661 Siglingastofnun Íslands.

1.01 Almennur rekstur. Greiðsluframlag ríkissjóðs lækkar um 12,9 m.kr. Með frumvarpi sem áætlað er að leggja fram á Alþingi er gert ráð fyrir að vitagjald verði hækkað. Áætlað er að gjaldið muni skila 12,9 m.kr. meiri tekjum á ári eftir hækkunina og mun beint framlag úr ríkissjóði til stofnunarinnar verða lækkað sem nemur hækkuðum tekjum af gjaldinu. Fjárhæð vitagjalds var síðast breytt 18. desember 2010. Þá var ákveðið að vitagjald skyldi vera 130,12 kr. af hverju brúttótonni skips. Nú er lagt til að vitagjald hækki um 5% í 136,62 kr. Lagt er til að lágmarksgjald verði jafnframt hækkað um 5%, þ.e. í 5.145 kr. úr 4.900 kr. Það var síðast hækkað 19. desember 2009 í 4.900 kr. úr 3.500 kr. Þessi hækkun er í samræmi við verðlagsbreytingar frá síðustu hækkun gjaldsins. Í fjárlagafrumvarpinu hefur þegar verið gert ráð fyrir fullri verðlagshækkun á fjárheimildum vegna launa og annarra rekstrargjalda stofnunarinnar.

662 Hafnarframkvæmdir.

6.72 Landeyjahöfn. Fjárveiting til liðarins er aukin um 144 m.kr. og verður heildarfjárveitingin á árinu 2012 því 244 m.kr. Áætlun um rekstur hafnarinnar gerir ráð fyrir því að 214 m.kr. verði varið til dýpkunar og er það í samræmi við samning til þriggja ára við Íslenska gámafélagið ehf. (dýpkunarskipið Skandia) um dýpkun hafnarinnar. Endurnýjuð áætlun um dýpkun byggist á því að ekki er gert ráð fyrir að Vestmannaeyjaferjan verði endurnýjuð í samræmi við hönnunarforsendur hafnarinnar og því er ekki grundvöllur fyrir lækkun fjárheimildar eins og gert var ráð fyrir í fjárlagafrumvarpinu. Auk dýpkunar er gert ráð fyrir 26 m.kr. til landgræðslu á Landeyjasandi í samræmi við samning við Landgræðslu ríkisins og að 4 m.kr. verði varið í umsjón og ófyrirséðan kostnað eða samtals 244 m.kr.

681 Póst– og fjarskiptastofnunin.

1.01 Póst– og fjarskiptastofnunin. Veitt er 30 m.kr. fjárheimild sem fjármögnuð verður af mörkuðum tekjum hennar til sérverkefnis. Ríkisstjórnin samþykkti á fundi sínum 29. október 2010 að stofnuninni yrði falið að stofna öryggis– og viðbragðsteymi vegna netöryggismála. Miðað er við að stofnunin hafi samráð um málið við fjarskiptafyrirtæki og eigi formlega eða óformlega samvinnu við aðrar stofnanir og atvinnugreinar þar sem netöryggismál eru mikilvæg. Jafnframt hugi stofnunin að og eftir atvikum komi með tillögur að breytingum á regluverki, m.a. með tilliti til mögulegra heimilda til inngripa hennar vegna yfirvofandi eða yfirstandandi netárása. Lagt er til í sérstöku frumvarpi, sem lagt verður fram á Alþingi, að árlegt rekstrargjald sem fjarskiptafyrirtæki greiða til Póst– og fjarskiptastofnunar hækki úr 0,3% af bókfærðri veltu í 0,38% og að árlegt rekstrargjald sem póstfyrirtæki greiði til stofnunarinnar hækki úr 0,25% af bókfærðri veltu í 0,34%. Er áætlað að þessar breytingar skili stofnuninni auknum tekjum sem nemi alls um 30 m.kr. á ári.

689 Fjarskiptasjóður.

6.41 Fjarskiptasjóður. Fjárveitingar Fjarskiptasjóðs eru auknar um 5,5 m.kr. Á næsta ári er gert ráð fyrir að skuldbindingar sjóðsins verði um 15,5 m.kr., 16,3 m.kr. 2013 og 10 m.kr. 2014 sem er síðasta starfsár sjóðsins samkvæmt þeim samningum sem gerðir hafa verið samkvæmt lögum um Fjarskiptasjóð. Á næsta ári er gert ráð fyrir að 11,8 m.kr. verði varið til samninga um GSM–samninga um rafstöðvar og kerfisgreiðslur vegna háhraðanets til Símans og áætlað er að 2,4 m.kr. verði varið til háhraðatenginga fyrir nýja notendur. Þá er umsýslukostnaður vegna samninga að fjárhæð 1,2 m.kr. þannig að kostnaður nemur samtals 15,5 m.kr. á árinu 2012.

705 Kirkjumálasjóður.

1.10 Kirkjumálasjóður. Veitt er 9. m.kr. hækkun á sóknargjöldum. Samtals hækka sóknargjöld um 90 m.kr. sem skiptist þannig að 06–705–1.10 Kirkjumálasjóður hækkar um 9 m.kr., 06–735–1.10 Sóknargjöld til þjóðkirkjunnar hækkar um 61,2 m.kr., 06–735–1.20 Sóknargjöld til annarra trúfélaga hækkar um 8,3 m.kr. og 06–736–1.10 Jöfnunarsjóður sókna hækkar um 11,5 m.kr.

735 Sóknargjöld.

1.10 Sóknargjöld til þjóðkirkjunnar. Veitt er 61,2 m.kr. hækkun á sóknargjöldum. Þjóðkirkjan hefur vakið athygli fjárlaganefndar á misræmi við útfærslu á niðurskurði framlaga undanfarinna ára. Þannig hafa framlög til sóknargjalda lækkað mun meira en sem nemur hagræðingarkröfu á almennan rekstur ríkisins. Innanríkisráðherra hefur skipað nefnd sem ætlað er að leggja mat á afleiðingar niðurskurðarins. Í kjölfar þess að nefndarálit verður kynnt ráðherra og Alþingi mun ráðuneytið bregðast við ábendingum með tillögum til Alþingis um breytingar á fjárframlögum við undirbúning fjárlagafrumvarps fyrir árið 2013. Hér er komið til móts við athugasemdir þjóðkirkjunnar með því að hækka framlögin um 5% frá því sem var í frumvarpi til fjárlaga. Í frumvarpinu var gert ráð fyrir að önnur rekstrargjöld en laun yrðu hækkuð um 5,3% milli ára. Sú ákvörðun náði ekki til sóknargjalda og er bætt úr því hér.

1.20 Sóknargjöld til annarra trúfélaga. Veitt er 8.3 m.kr. hækkun á sóknargjöldum.

736 Jöfnunarsjóður sókna.

1.10 Jöfnunarsjóður sókna. Veitt er 11,5 m.kr. hækkun á sóknargjöldum.

841 Jöfnunarsjóður sveitarfélaga.

1.10 Jöfnunarsjóður sveitarfélaga, lögbundin framlög. Fjárheimild liðarins hækkar um 49 m.kr. í samræmi við endurskoðaða áætlun um lögboðin framlög í sjóðinn af skatttekjum ársins 2012 og útsvarsstofni árið 2011. Spáin miðast við að innheimtar skatttekjur verði 453.013 m.kr. árið 2012 og að útsvarsstofn ársins 2011 verði 902.000 m.kr. Lögbundin framlög ríkisins til Jöfnunarsjóðs eru ákvörðuð með tvennum hætti samkvæmt lögum um tekjustofna sveitarfélaga. Í fyrsta lagi er 9.604 m.kr. framlag úr ríkissjóði sem er 2,12% af innheimtum skatttekjum ríkissjóðs. Í öðru lagi er 2.381 m.kr. framlag sem er 0,264% af álagningarstofni útsvars næstliðins tekjuárs. Samkvæmt því má gera ráð fyrir að lögbundin framlög til sjóðsins verði samtals 11.985 m.kr. á árinu 2012.

1.11 Jöfnunarsjóður sveitarfélaga, sérstök viðbótarframlög. Samtals er gert ráð fyrir 140 m.kr. hækkun fjárheimildar á þessum lið. Annars vegar hækkar framlag vegna húsaleigubóta sveitarfélaga sem færist á þennan lið um 80 m.kr. miðað við að greitt verði áfram samkvæmt samkomulagi um breytingar á bótakerfinu sem gert var 7. apríl 2008. Samkomulagið rann út 31. mars 2010 og þurfa ríkið og sveitarfélögin að semja sín á milli um fyrirkomulag bótakerfisins og fjármögnun á því. Með gildandi fjárlögum var framlag til verkefnisins hækkað um 600 m.kr. og var heildarfjárveitingin þá áætluð 1.528 m.kr. Samþykkt var 80 m.kr. hækkun á framlaginu í fjáraukalögum fyrir árið 2011 í ljósi endurskoðaðrar áætlunar um greiðslur vegna samkomulagsins. Heildarframlag vegna húsleigubóta er þannig orðið rétt rúmir 1,6 mia.kr. á ári og er verður framlagið hækkað til samræmis við það í fjárlögum næsta árs. Hins vegar er veitt 60 m.kr. heimild vegna hækkunar tekjuskerðingarmarka húsaleigubóta í 2.250.000 kr. Kostnaður við þessa hækkun er áætlaður 100 m.kr. og er framlag ríkissjóðs 60% af þeirri fjárhæð á móti 40% framlagi sveitarfélaganna.

1.12 Jöfnunarsjóður sveitarfélaga, málefni fatlaðra. Greiðslur til viðfangsefnisins vegna veiks útsvarsstofns lækka um 470 m.kr. Vísað er til samkomulags ríkis og sveitarfélaga um tilfærslu þjónustu við fatlað fólk frá 23. nóvember 2010 en þar var gert ráð fyrir þessum framlagi sem var 371 á fjárlögum 2011 og í frumvarpi til fjárlaga 2012 var þessi fjárhæð hækkuð um 241 m.kr. en var þá miðað við að útsvarsstofninn yrði 885 mia.kr. Áætlun fjármálaráðuneytisins um þróun útsvarsstofns frá október 2011 gerir ráð fyrir að hann verði um 948 mia.kr. á næsta ári. Stofninn mun því hækka verulega umfram það sem áður var gert ráð fyrir og þær tekjur af útsvari sem gert er ráð fyrir að veittar verði til málaflokksins eru áætlaðar um 11.100 m.kr. Árið 2012 eru útgjöld sveitarfélaga vegna þjónustu við fatlað fólk ætluð um 11.240 m.kr. á verðlagi 2012 án nýrra verkefna sem ríkissjóður mun einnig greiða fyrir sérstaklega. Greiðslur ríkisins til sveitarfélaga vegna veikrar stöðu útsvarstofnsins munu því nema 142 m.kr. á næsta ári.

Eftirfarandi breytingar voru gerðar á framlögum til málefnaflokka ráðuneytisins:

	Frumvarp	Fjárlög	Breyting
	2012	2012
	m.kr.	m.kr.	m.kr.	%
Ráðuneyti	1.053,1	1.060,6	7,5	1
Tryggingamál	100.625,9	100.994,5	368,6	0
Sjúkrahús og sérstæð sjúkrahúsaþjónusta	40.787,3	41.684,8	897,5	2
Öldrunarstofnanir, endurhæfing o.fl.	23.823,4	23.862,8	39,4	0
Heilsugæsla	7.851,0	8.253,8	402,8	5
Heilbrigðisstofnanir	13.227,3	13.712,5	485,2	4
Eftirlits- og stjórnsýslustofnanir	2.267,8	2.730,2	462,4	20
Annað	1.904,8	1.909,8	5,0	0
Málefni fatlaðra	1.126,8	1.152,0	25,2	2
Málefni barna	973,8	1.008,8	35,0	4
Vinnumál	31.586,3	31.312,3	-274,0	-1
Húsnæðismál	118,0	118,0	0,0	-
Samtals	225.345,5	227.800,1	2.454,6	1
Greitt úr ríkissjóði	163.371,8	165.246,6	1.874,8	1
Innheimt af ríkistekjum	62.302,7	62.882,5	579,8	1
Viðskiptahreyfingar	-329,0	-329,0	0,0	-
Samtals	225.345,5	227.800,1	2.454,6	1

190 Ýmis verkefni.

1.90 Ýmislegt. Veitt er 7 m.kr. fjárheimild vegna ART–verkefnis á Suðurlandi. Um er að ræða þriggja ára tímabundið verkefni sem tekur til áranna 2012, 2013 og 2014 og er hluti af Sóknaráætlun 2020. Markmið ART–verkefnisins er að aðstoða börn og ungmenni sem eiga við erfiðleika að stríða hvað varðar félagsfærni, sjálfsstjórn og siðferðisvitund.

201 Tryggingastofnun ríkisins.

1.01 Tryggingastofnun ríkisins. Veitt er 6 m.kr. framlag til Tryggingastofnunar ríkisins til innleiðingar á rafrænu samskiptakerfi milli EES–ríkjanna á sviði almannatrygginga. Ákveðið hefur verið að öll samskipti milli ríkja á Evrópska efnahagssvæðinu er varða réttindi borgara til almannatrygginga fari fram með rafrænum hætti. Tryggingastofnun hefur fengið styrk frá Evrópusambandinu að fjárhæð 38,4 m.kr. gegn mótframlagi sem nemur 9,6 m.kr. Miðað er við að stofnunin forgangsraði því sem á vantar úr sínum ramma. Verkefnið er unnið í samráði við ríkisskattstjóra, Sjúkratryggingar Íslands og Vinnumálastofnun og mun það nýtast þeim þegar kerfið verður tekið í notkun.

203 Bætur samkvæmt lögum um félagslega aðstoð.

1.11 Mæðra– og feðralaun. Gert er ráð fyrir 10 m.kr. hækkun liðarins. Fjárhæðir eftirtalinna bótaflokka almannatrygginga hækka um 3,5% 1. janúar nk.: 08–203–111 Mæðra– og feðralaun, 08–203–115 Umönnunargreiðslur, 08–203–135 Barnalífeyrir vegna menntunar, 08–203–151 Frekari uppbætur, 08–203–155 Bifreiðakostnaður og 08–204–135 Barnalífeyrir. Viðbótarútgjöld vegna hækkunarinnar nema samtals 220 m.kr. Í forsendum frumvarpsins er ekki gert ráð fyrir að þessir bótaflokkar hækki 1. janúar nk. um 3,5% eins og lagt er til um alla aðra bótaflokka lífeyristrygginga og bóta samkvæmt lögum um félagslega aðstoð.

1.15 Umönnunargreiðslur. Gert er ráð fyrir 55 m.kr. hækkun liðarins.

1.35 Barnalífeyrir vegna menntunar. Gert er ráð fyrir 5 m.kr. hækkun liðarins.

1.51 Frekari uppbætur. Gert er ráð fyrir 10 m.kr. hækkun liðarins.

1.55 Bifreiðakostnaður. Gert er ráð fyrir 40 m.kr. hækkun liðarins.

204 Lífeyristryggingar.

1.11 Ellilífeyrir. Fjárveiting liðarins lækkar um 39 m.kr. Í stað þess að breyta forsendum fyrir útreikningi á aldurstengdri örorkuuppbót og ná þannig fram lækkun útgjalda að fjárhæð 200 m.kr. verða frítekjumörk ekki hækkuð um næstu áramót um 3,5%. Frítekjumörk vegna atvinnutekna, lífeyrissjóðstekna og fjármagnstekna munu ekki hækka um þá hundraðstölu árið 2012. Með þeirri aðgerð munu útgjöld lífeyristrygginga verða um 208 m.kr. lægri en ella. Þetta er útfært með þeim hætti að fjárhæðinni er skipt í hlutföllum á bótaflokka grunnlífeyris og tekjutryggingar.

1.15 Örorkulífeyrir. Fjárveiting liðarins lækkar um 22 m.kr. Sjá skýringu við lið 08–204–1.11 Ellilífeyrir.

1.16 Aldurstengd örorkuuppbót. Fjárveiting liðarins hækkar um 200 m.kr. Sjá skýringu við lið 08–204–1.11 Ellilífeyrir.

1.21 Tekjutrygging ellilífeyrisþega. Endurskoðuð áætlun um tekjur af tryggingagjaldi gerir ráð fyrir að hlutdeild lífeyristrygginga í tekjum af gjaldinu verði 399 m.kr. meiri en reiknað var með í frumvarpinu. Beint framlag úr ríkissjóði til fjármögnunar lífeyristrygginga lækkar jafnmikið. Fjárveiting liðarins lækkar um 74 m.kr. Sjá skýringu við lið 08–204–1.11 Ellilífeyrir.

1.25 Tekjutrygging örorkulífeyrisþega. Fjárveiting liðarins lækkar um 65 m.kr. Sjá skýringu við lið 08–204–1.11 Ellilífeyrir.

1.35 Barnalífeyrir. Fjárheimild hækkar um 100 m.kr. Fjárhæðir eftirtalinna bótaflokka almannatrygginga hækka um 3,5% 1. janúar nk.: 08–203–111 Mæðra– og feðralaun, 08–203–115 Umönnunargreiðslur, 08–203–135 Barnalífeyrir vegna menntunar, 08–203–151 Frekari uppbætur, 08–203–155 Bifreiðakostnaður og 08–204–135 Barnalífeyrir. Viðbótarútgjöld vegna hækkunarinnar nema samtals 220 m.kr. Í forsendum frumvarpsins var ekki gert ráð fyrir hækkun á þessum bótaflokkum 1. janúar nk. um 3,5% eins og lagt er til um alla aðra bótaflokka lífeyristrygginga og bóta samkvæmt lögum um félagslega aðstoð.

206 Sjúkratryggingar.

1.11 Lækniskostnaður. Veitt er 20 m.kr. framlag til að draga úr aðhaldskröfu. Með því að nýta svigrúm til að auka við aðhaldskröfu í almennum lyfjum er fyrirhugað að milda áhrif hagræðingaraðgerða á sjúkraþjálfun og tæknifrjóvgun.

1.15 Lyf. Gert er ráð fyrir 120 m.kr. hækkun á hagræðingarkröfu almennra lyfja. Samanlögð krafa á almenn og S–merkt lyf mun þá nema 306,9 m.kr. Svigrúmið á að nota til að milda áhrif hagræðingaraðgerða á sjúkraþjálfun og tæknifrjóvgun. Frá hruni hafa útgjöld til sjúkraþjálfunar verið skert í tvígang sem þýðir að útgjöld vegna sjúkraþjálfunar lækkuðu um 18% að raungildi frá 2008 til 2010. Til að ná niður lyfjaútgjöldunum er áformað að halda áfram á sömu braut og vörðuð hefur verið með því breyta greiðsluþátttöku í lyfjum þannig að hún miðist almennt við hagkvæmustu lyf með sambærileg meðferðaráhrif. Þá er einnig áformað að breyta gjaldskrá með því að hækka gólf og þök í greiðsluþátttöku lyfja.

1.16 Lyf með S–merkingu. Framsetningu fjárheimildar er breytt. Fjárheimild liðarins á að færast sem önnur rekstrargjöld en ekki tilfærsluútgjöld.

1.31 Þjálfun. Veitt er 100 m.kr. framlag til að draga úr aðhaldskröfu. Með því að nýta svigrúm til að auka við aðhaldskröfu í almennum lyfjum er fyrirhugað að milda áhrif hagræðingaraðgerða á sjúkraþjálfun og tæknifrjóvgun. Frá hruni hafa útgjöld til sjúkraþjálfunar verið skert í tvígang, sem þýðir að útgjöld vegna sjúkraþjálfunar lækkuðu um 18% að raungildi frá 2008 til 2010.

1.35 Tannlækningar. Veitt er 140 m.kr. fjárheimild sem varið verður til að efla tannheilsu og tannvernd barna og ungmenna. Fjármunirnir verða nýttir til að fylgja eftir markmiðum heilbrigðisáætlunar og aðgerðaáætlun til að styrkja stöðu barna og ungmenna þar sem kveðið er á um að tannvernd barna verði bætt með forvarnaaðgerðum og niðurgreiðslum á tannviðgerðum barna þannig að þær nemi allt að 75% af kostnaði.

303 Lýðheilsusjóður.

1.90 Lýðheilsusjóður. Endurskoðuð áætlun um tekjur af áfengisgjaldi gerir ráð fyrir 100 m.kr. hækkun tekna. Hluti lýðheilsusjóðs í tekjunum er 1%.

317 Lyfjastofnun.

1.01 Lyfjastofnun. Veitt er 5 m.kr. fjárheimild vegna umsjónar með ávana– og fíknilyfjum. Tilefnið er að með sameiningu heilbrigðisráðuneytis og félags– og tryggingamálaráðuneytis, sem tók gildi um síðustu áramót, var lyfjaskrifstofa heilbrigðisráðuneytisins lögð niður og útgáfa leyfa vegna ávana– og fíknilyfja flutt til Lyfjastofnunar. Á móti útgjaldaheimildinni koma sértekjur af útgáfu leyfa þannig að ekki er um að ræða beint framlag úr ríkissjóði til liðarins.

334 Umboðsmaður skuldara.

1.01 Umboðsmaður skuldara. Gert er ráð fyrir 455 m.kr. viðbótarfjárheimild til stofnunarinnar. Óvissa hefur ríkt um þróun kostnaðar hjá umboðsmanni skuldara allt frá því að stofnunin var sett á fót árið 2010. Málafjöldi reyndist mun meiri og úrlausnarefni tímafrekari en áætlað var. Alls hafa stofnuninni borist 3.774 mál frá því að hún tók til starfa og gert er ráð fyrir að þau verði um 4.000 í árslok 2011. Búið er að taka afstöðu til 1.946 mála, þar ef eru 1.454 komin til vinnslu hjá umsjónarmönnum. Búist er við að í árslok 2011 verði 1.600 til 1.700 mál til viðbótar tilbúin til þess að fara í vinnslu hjá umsjónarmönnum sem þýðir að liðlega 3.000 mál verða í vinnslu hjá umsjónarmönnum á árinu 2012. Skrifstofa fjárlaga í velferðarráðuneytinu hefur farið yfir endurskoðaða rekstraráætlun stofnunarinnar fyrir árið 2012. Áætlunin gerir ráð fyrir heildarútgjöldum að fjárhæð 1.050 m.kr. Hækkunin skýrist af því að stofnunin hyggst ráðast í stórátak til þess að ljúka afgreiðslu á meginhluta þeirra mála sem eru tilbúin til meðferðar hjá umsjónarmönnum. Til þess þarf að fjölga umsjónarmönnum tímabundið með tilheyrandi kostnaði. Gangi átakið eftir mun umfang stofnunarinnar minnka strax á síðari hluta árs 2012 og dragast verulega saman á árinu 2013. Útgjöld stofnunarinnar eru fjármögnuð með gjaldtöku af fjármálastofnunum og gert er ráð fyrir að sú gjaldtaka verði aukin sem þessu nemur.

358 Sjúkrahúsið á Akureyri.

1.01 Sjúkrahúsið á Akureyri. Samtals er gert ráð fyrir 42 m.kr. hækkun fjárheimildar á þessum lið. Í fyrsta lagi er veitt 32 m.kr. framlag til Sjúkrahússins á Akureyri til að draga úr aðhaldskröfu. Í öðru lagi er veitt 5 m.kr. framlag til sjúkrahússins vegna læknanema og er það ótímabundið framlag. Í þriðja lagi er veitt 5 m.kr. hækkun á rekstrarframlagi til stofnunarinnar.

373 Landspítali.

1.01 Landspítali. Samtals er gert ráð fyrir 189,7 m.kr. hækkun fjárheimildar á þessum lið. Annars vegar er veitt 139,7 m.kr. framlag til Landspítala til að draga úr aðhaldskröfu. Hins vegar er veitt 50 m.kr. hækkun á rekstrarframlagi til stofnunarinnar.

398 Félagsmál, ýmis starfsemi.

1.34 Geysir, vinnumiðlun fyrir geðfatlaða. Framlag á þessu fjárlagaviðfangi, 33,4 m.kr. verður flutt á nýtt viðfangsefni, 08–398–1.91 Endurhæfing. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.35 Félag heyrnarlausra. Framlag á þessu fjárlagaviðfangi 9,6 m.kr. verður flutt á nýtt viðfangsefni, 08–398–1.92 Málefni fatlaðs fólks. Sjá skýringu á millifærslu við lið 08–398–1.34 Geysir, vinnumiðlun fyrir geðfatlaða.

1.36 Félagið Geðhjálp. Framlag á þessu fjárlagaviðfangi, 18,2 m.kr. verður flutt á nýtt viðfangsefni, 08–398–1.92 Málefni fatlaðs fólks. Sjá skýringu á millifærslu við lið 08–398–1.34 Geysir, vinnumiðlun fyrir geðfatlaða.

1.37 Strókur, vinnumiðlun fyrir geðfatlaða. Framlag á þessu fjárlagaviðfangi, 9,5 m.kr. verður flutt á nýtt viðfangsefni, 08–398–1.91 Endurhæfing. Sjá skýringu á millifærslu við lið 08–398–1.34 Geysir, vinnumiðlun fyrir geðfatlaða.

1.40 Kvennaathvarf í Reykjavík. Veitt er 5 m.kr. hækkun á framlagi til reksturs Kvennaathvarfsins í Reykjavík.

1.42 Krýsuvíkurskóli, vist– og meðferðarheimili. Framlag til Krýsuvíkurskóla 71,3 m.kr. verður flutt á nýtt viðfangsefni, 08–398–1.91 Endurhæfing. Sjá skýringu á millifærslu við lið 08–398–1.34 Geysir, vinnumiðlun fyrir geðfatlaða.

1.43Krossgötur, endurhæfingarheimili. Framlag til Krossgatna, endurhæfingarheimilis, 24,1 m.kr. verður flutt á nýtt viðfangsefni, 08–398–1.91 Endurhæfing. Sjá skýringu á millifærslu við lið 08–398–1.34 Geysir, vinnumiðlun fyrir geðfatlaða.

1.47 Félagsþjónusta við nýbúa. Framlag til verkefnisins Félagsþjónusta við nýbúa 2,9 m.kr. verður flutt á nýtt viðfangsefni, 08–398–1.95 Verkefna– og rekstrarstyrkir. Sjá skýringu á millifærslu við lið 08–398–1.34 Geysir, vinnumiðlun fyrir geðfatlaða.

1.90 Ýmis framlög. Samtals er gert ráð fyrir 92,2 m.kr. lækkun fjárheimildar á þessum lið. Millifærðar eru 5,5 m.kr. á 08–398–1.98 Ýmis framlög velferðarráðuneytisins, 13 m.kr. á 08–398–1.94 Fjölskyldu– og jafnréttismál, 21,8 m.kr. á 08–398–1.93 Forvarnir og fræðsla, 21,9 m.kr. á 08–398–1.95 Verkefna– og rekstrarstyrkir og 30 m.kr á 08–398–1.92 Málefni fatlaðs fólks. Sjá skýringu á millifærslum við lið 08–398–1.34 Geysir, vinnumiðlun fyrir geðfatlaða.

1.91 Endurhæfing. Samtals er gert ráð fyrir 138,3 m.kr. hækkun fjárheimilda á þessum lið. Millifærðar eru 71,3 m.kr. af 08–398–1.42 Krýsuvíkurskóli, vist– og meðferðarheimili, 33,4 m.kr. af 08–398–1.34 Geysir, vinnumiðlun fyrir geðfatlaða, 24,1 m.kr. af 08–398–1.43 Krossgötur, endurhæfingarheimili og 9,5 m.kr. af 08–398–1.37 Strókur, vinnumiðlun fyrir geðfatlaða. Sjá skýringu á millifærslu við lið 08–398–1.34 Geysir, vinnumiðlun fyrir geðfatlaða.

1.92 Málefni fatlaðs fólks. Samtals er gert ráð fyrir 94,4 m.kr. hækkun fjárheimildar á þessum lið. Millifærðar eru 30 m.kr. af 08–398–1.90 Ýmis framlög, 18,2 m.kr. af 08–398–1.36 Félagið Geðhjálp, 16,1 m.kr. af 08–398–1.98 Ýmis framlög velferðarráðuneytis 13,9 m.kr. af 08–399–1.98 Ýmis framlög velferðarráðuneytisins 9,6 m.kr. af 08–398–1.35 Félag heyrnarlausra og 6,6 m.kr. af 08–399–1.90 Ýmis framlög. Sjá skýringu á millifærslum við lið 08–398–1.34 Geysir, vinnumiðlun fyrir geðfatlaða.

1.93 Forvarnir og fræðsla. Millifærðar eru 21,8 m.kr. af 08–398–1.90 Ýmis framlög, Sjá skýringu á millifærslu við lið 08–398–1.34 Geysir, vinnumiðlun fyrir geðfatlaða.

1.94 Fjölskyldu– og jafnréttismál. Millifærðar eru 13 m.kr. af 08–398–1.90 Ýmis framlög. Sjá skýringu á millifærslu við lið 08–398–1.34 Geysir, vinnumiðlun fyrir geðfatlaða.

1.95 Verkefna– og rekstrarstyrkir. Samtals er gert ráð fyrir 24,8 m.kr. hækkun fjárheimildar á þessum lið. Millifærðar eru 2,9 m.kr. af 08–398–1.90 Ýmis framlög og 21,9 m.kr. af 08–398–1.47 Félagsþjónusta við nýbúa. Sjá skýringu á millifærslum við lið 08–398–1.34 Geysir, vinnumiðlun fyrir geðfatlaða.

1.98 Ýmis framlög velferðarráðuneytis. Annars vegar er gert ráð fyrir 5,5 m.kr. hækkun á þessum lið með millifærslu 5,5 m.kr. af viðfangsefninu 08–398–1.90 Ýmis framlög. Hins vegar er gert ráð fyrir 16,1 m.kr. lækkun fjárheimilda með millifærslu 16,1 m.kr. á 08–398–1.92 Málefni fatlaðs fólks. Sjá skýringu á millifærslum við lið 08–398–1.34 Geysir, vinnumiðlun fyrir geðfatlaða.

399 Heilbrigðismál, ýmis starfsemi.

1.32 Krabbameinsfélag Íslands, styrkir. Fjárheimild lækkar um 5, 8 m.kr. með millifærslu á 08–399–1.94 Verkefna– og rekstrarstyrkir. Millifærslan er hluti af umbótum við styrkveitingar sem unnar hafa verið að frumkvæði fjárlaganefndar í samvinnu við fagráðuneyti.

1.33 Samband íslenskra berkla– og brjóstholssjúklinga. Fjárheimild lækkar um 10.3 m.kr. vegna millifærslu á 08–399–1.94 Verkefna– og rekstrarstyrkir. Sjá skýringu á millifærslu við lið 08–399–1.32 Krabbameinsfélag Íslands, styrkir.

1.34 Hjartaheill. Fjárheimild lækkar um 5,1 m.kr. með millifærslu á 08–399–1.94 Verkefna– og rekstrarstyrkir. Sjá skýringu á millifærslu við lið 08–399–1.32 Krabbameinsfélag Íslands, styrkir.

1.36 Stórstúka Íslands. Fjárheimild lækkar með 1,3 m.kr. með millifærslu á 08–399–1.94 Verkefna– og rekstrarstyrkir. Sjá skýringu á millifærslu við lið 08–399–1.32 Krabbameinsfélag Íslands, styrkir.

1.37 Skrifstofa líknarfélaga. Fjárheimild lækkar með 4,7 m.kr. með millifærslu á 08–399–1.94 Verkefna– og rekstrarstyrkir. Sjá skýringu á millifærslu við lið 08–399–1.32 Krabbameinsfélag Íslands, styrkir.

1.38 Félagið Heyrnarhjálp. Fjárheimild lækkar með 8 m.kr. með millifærslu á 08–399–1.94 Verkefna– og rekstrarstyrkir. Sjá skýringu á millifærslu við lið 08–399–1.32 Krabbameinsfélag Íslands, styrkir.

1.62 Endurhæfingarstöð Geðverndarfélags Íslands. Fjárheimild lækkar með 4,2 m.kr. með millifærslu á 08–399–1.92 Endurhæfing. Sjá skýringu á millifærslu við lið 08–399–1.32 Krabbameinsfélag Íslands, styrkir.

1.64 Gigtlækningastöð Gigtarfélags Íslands. Fjárheimild lækkar með 8,7 m.kr. með millifærslu á 08–399–1.92 Endurhæfing. Sjá skýringu á millifærslu við lið 08–399–1.32 Krabbameinsfélag Íslands, styrkir.

1.90 Ýmis framlög. Samtals er gert ráð fyrir 44,2 m.kr. lækkun fjárheimilda á þessum lið. Millifærðar eru 6,6 m.kr. á 08–398–1.92. Málefni fatlaðs fólks, 9,4 m.kr. á 08–399–1.92 Endurhæfing, 10.9 m.kr. á 08–399–1.93 Forvarnir og fræðsla og 17,3 m.kr. á 08–399–1.94 Verkefna– og rekstrarstyrkir. Sjá skýringu á millifærslum við lið 08–399–1.32 Krabbameinsfélag Íslands, styrkir.

1.92 Endurhæfing. Samtals er gert ráð fyrir 22,3 m.kr. hækkun fjárheimildar á þessum lið. Millifærðar eru 9,4 m.kr. af 08–399–1.90 Ýmis framlög, 8,7 m.kr. af 08–399–1.64 Gigtlækningastöð Gigtarfélags Íslands og 4,2 m.kr. af 08–399–1.62 Endurhæfingarstöð Geðverndarfélags Íslands. Sjá skýringu á millifærslum við lið 08–399–1.32 Krabbameinsfélag Íslands, styrkir.

1.93 Forvarnir og fræðsla. Millifærðar eru 10, 9 m.kr. af 08–399–1.90 Ýmis framlög, Sjá skýringu á millifærslu við lið 08–399–1.32 Krabbameinsfélag Íslands, styrkir.

1.94 Verkefna– og rekstrarstyrkir. Samtals er gert ráð fyrir 52,5 m.kr. hækkun fjárheimildar á þessum lið. Millifærðar eru 17,3 m.kr. af 08–399–1.90 Ýmis framlög, 10,3 m.kr. af 08–399–1.33 Samband íslenskra berkla– og brjóstholssjúklinga, 8 m.kr. af 08–399–1.38 Félagið Heyrnarhjálp, 5,8 m.kr. af 08–399–1.32 Krabbameinsfélag Íslands, styrkir, 5,1 m.kr. af 08–399–1.34 Hjartaheill, 4,7 m.kr. af 08–399–1.37 Skrifstofa líknarfélaga og 1,3 m.kr. af 08–399–1.36 Stórstúka Íslands. Sjá skýringu á millifærslum við lið 08–399–1.32 Krabbameinsfélag Íslands, styrkir.

1.98 Ýmis framlög velferðarráðuneytis. Framlög til félagasamtaka sem sinna málefnum fatlaðs fólks, 13,9 m.kr., verða flutt á nýtt viðfangsefni, 08–398–1.92 Málefni fatlaðs fólks. Sjá skýringu á millifærslu við lið 08–399–1.32 Krabbameinsfélag Íslands, styrkir.

491 Reykjalundur, Mosfellsbæ.

1.10 Reykjalundur, Mosfellsbæ. Veitt er 15 m.kr. viðbótarframlag vegna viðbótarkostnaðar.

501 Sjúkraflutningar.

1.11 Sjúkraflutningar. Veitt er 150 m.kr. framlag vegna samninga um sjúkraflutninga.

700 Heilbrigðisstofnanir.

1.01 Almennur rekstur. Samtals er gert ráð fyrir 100 m.kr. hækkun fjárheimildar á þessum lið. Annars vegar er veitt 77 m.kr. tímabundin hækkun á framlagi til heilbrigðisstofnana. Hins vegar hækkar fjárheimild liðarins um 23 m.kr. til að draga úr aðhaldskröfu á heilbrigðisstofnunum. Ekki hefur gefist tækifæri til þess að fara yfir rekstur og starfsemi tveggja heilbrigðisstofnana, þ.e. Heilbrigðisstofnunar Fjallabyggðar og Heilbrigðisstofnunar Suðausturlands.

716 Heilbrigðisstofnun Vesturlands.

1.01 Heilsugæslusvið. Gert er ráð fyrir 45,1 m.kr. framlagi til Heilbrigðisstofnunar Vesturlands til að draga úr aðhaldskröfu.

721 Heilbrigðisstofnunin Patreksfirði.

1.01 Heilsugæslusvið. Gert er ráð fyrir 6,8 m.kr. framlagi til Heilbrigðisstofnunarinnar á Patreksfirði til að draga úr aðhaldskröfu.

726 Heilbrigðisstofnun Vestfjarða.

1.01 Heilsugæslusvið. Gert er ráð fyrir 17,6 m.kr. framlagi til Heilbrigðisstofnunar Vestfjarða til að draga úr aðhaldskröfu.

745 Heilbrigðisstofnunin Blönduósi.

1.01 Heilsugæslusvið. Gert er ráð fyrir 13,9 m.kr. framlagi til Heilbrigðisstofnunarinnar á Blönduósi til að draga úr aðhaldskröfu.

751 Heilbrigðisstofnunin Sauðárkróki.

1.01 Heilsugæslusvið. Gert er ráð fyrir 23,6 m.kr. framlagi til Heilbrigðisstofnunarinnar á Sauðárkróki til að draga úr aðhaldskröfu.

761 Heilbrigðisstofnun Þingeyinga.

1.01 Heilsugæslusvið. Gert er ráð fyrir 20,4 m.kr. framlagi til Heilbrigðisstofnunar Þingeyinga til að draga úr aðhaldskröfu.

777 Heilbrigðisstofnun Austurlands.

1.01 Heilsugæslusvið. Gert er ráð fyrir 26,2 m.kr. framlagi til Heilbrigðisstofnunar Austurlands til að draga úr aðhaldskröfu.

787 Heilbrigðisstofnun Suðurlands.

1.01 Heilsugæslusvið. Gert er ráð fyrir 20,2 m.kr. framlagi til Heilbrigðisstofnunar Suðurlands til að draga úr aðhaldskröfu.

791 Heilbrigðisstofnun Suðurnesja.

1.01 Heilsugæslusvið. Gert er ráð fyrir 22,9 m.kr. framlagi til Heilbrigðisstofnunar Suðurnesja til að draga úr aðhaldskröfu.

809 Málefni fatlaðra.

1.01 Réttindagæsla fatlaðra. Veitt er 20,5 m.kr. viðbótarfjárheimild til verkefnisins. Tilefnið er að frumvarp til laga um réttindagæslu fatlaðs fólks sem varð að lögum nr. 88/2011 tók breytingum í meðförum Alþingis. Breytingarnar eru í meginatriðum tvenns konar: Annars vegar var hlutverk réttindavaktar ráðuneytisins aukið verulega og henni falið að bera ábyrgð á því að upplýsa almenning um réttindi fatlaðs fólks, vinna gegn staðalímyndum og fordómum og auka vitund um getu og framlag fatlaðs fólks í samræmi við ákvæði samnings Sameinuðu þjóðanna um réttindi þess. Hins vegar var ákveðið að persónulegir talsmenn fatlaðs fólks fengju endurgreiddan útlagðan kostnað eftir nánari reglum sem útfærðar verða í reglugerð. Endurskoðun á kostnaðarmati vegna laganna var ekki tilbúin fyrir framlagningu frumvarpsins og því var ekki unnt að gera grein fyrir tillögunni fyrr. Í fjárlagafrumvarpinu hefur þó þegar verið gert ráð fyrir hækkun á fjárveitingu vegna réttindagæslu fatlaðs fólks úr 12 m.kr. í 42,5 m.kr., eða um 30,5 m.kr.

821 Barnaverndarstofa.

1.01 Almennur rekstur. Gert er ráð fyrir 35 m.kr. framlagi til að efla starfsemi Stuðla þannig að heimilið geti sinnt eftirfylgni með börnum sem lokið hafa meðferð á heimilinu. Markmið verkefnisins er m.a. að takmarka og draga úr endurteknum neyðarvistunum þessara barna og unglinga. Lögð er áhersla á að ná til fjölskyldna og skóla og leita eftir samningum við vinnustaði eins og Fjölsmiðjuna um úrræði fyrir 16–18 ára unglinga.

851 Atvinnuleysistryggingasjóður.

1.11 Atvinnuleysisbætur. Annars vegar er gert ráð fyrir að fjárheimild liðarins hækki um 620 m.kr. vegna endurmats á útgjöldum Atvinnuleysistryggingasjóðs. Í fyrsta lagi er um að ræða 1.220 m.kr. hækkun á útgjöldum sjóðsins vegna spár um aukið atvinnuleysi á árinu 2012 en í drögum að nýrri þjóðhagsspá gerir Hagstofan ráð fyrir 6,4% atvinnuleysi í stað 6% eins og var gert í forsendum frumvarpsins. Í öðru lagi koma til lækkunar 600 m.kr. vegna endurmats á öðrum forsendum fyrir útgjöldum sjóðsins frá því sem var í frumvarpinu. Hins vegar er gert ráð fyrir 1294 m.kr. lækkun fjárheimilda á þessum lið. Í fyrsta lagi verða millifærðar verða 400 m.kr. fjárheimild af viðfangsefninu 1.11 Atvinnuleysisbætur yfir á viðfangsefnið 1.35 Námskeiðahald, átaksverkefni og önnur úrræði vegna átaks á sviði vinnumarkaðsaðgerða og menntunar atvinnuleitenda. Gert er ráð fyrir að þeir 300 einstaklingar sem ekki komast í lánshæft nám vegna átaksins muni fá greiddan framfærslustyrk úr Atvinnuleysistryggingasjóði. Í tillögum að reglum sem stjórn sjóðsins hefur samþykkt kemur fram að framfærslustyrkurinn muni byggjast á grunnframfærslu LÍN að viðbættum 20 þús. kr. styrk fyrir hvert barn á framfæri umsækjanda en þó muni styrkurinn verða skertur í hlutfalli við bótarétt viðkomandi einstaklings. Þar sem grunnframfærsla LÍN um næstu áramót að viðbættum 20 þús. kr. styrk vegna barna verður einungis ívið lægri en grunnbætur atvinnuleysistrygginga er ekki gert ráð fyrir auknum útgjöldum að hálfu ríkissjóðs en alls er áætlað að útgjöld vegna þessara 300 einstaklinga verði um 400 m.kr. Í fjárlagafrumvarpinu hafði ekki verið gert ráð fyrir greiðslu framfærslustyrkjanna en þó var reiknað með þessu fjármagni til Atvinnuleysistryggingasjóðs til greiðslu atvinnuleysisbóta. Í öðru lagi verður fjárheimild liðarins lækkuð um 894 m.kr. vegna endurmats á áætlun í tengslum við átak á sviði vinnumarkaðsaðgerða og eflingu menntunar atvinnuleitenda. Stefnt var að því að skapa námstækifæri fyrir allt að 1.000 atvinnuleitendur haustið 2011 og næstu tvö skólaár á eftir. Í fjárlagafrumvarpinu var gert ráð fyrir að 250 manns færu af atvinnuleysisbótum og í lánshæft nám sem mundi lækka útgjöld Atvinnuleysistryggingasjóðs samtals um 425 m.kr. Gert var ráð fyrir því að þeir einstaklingar sem kæmust ekki í lánshæft nám fengju framfærslustyrk frá sjóðnum í stað atvinnuleysisbóta. Miðað við upplýsingar Vinnumálastofnunar í nóvember um stöðu átaksins hafa um 990 einstaklingar sótt um þátttöku og er gert ráð fyrir að um 700 einstaklingar fari í lánshæft nám hjá LÍN en um 300 einstaklingar fái framfærslustyrk frá Atvinnuleysistryggingasjóði. Því er áætlað að útgjöld sjóðsins muni lækka um 894 m.kr. til viðbótar við fyrri áætlun og verður lækkunin því samtals um 1,3 mia.kr. Á móti þessari lækkun er gert ráð fyrir 270 m.kr. aukinni fjárveitingu til LÍN til að mæta auknum lánveitingum til námsmanna í átakinu en auk þess er gert ráð fyrir að 400 m.kr. fjárheimildir verði millifærðar af lið fyrir bætur yfir á lið fyrir styrki innan Atvinnuleysistryggingasjóðs vegna þeirra sem fara ekki í lánshæft nám.

1.35 Námskeiðahald, átaksverkefni og önnur úrræði. Millifærð verður 400 m.kr. fjárheimild á viðfangsefnið 1.35 Námskeiðahald, átaksverkefni og önnur úrræði af viðfangsefninu 1.11 Atvinnuleysisbætur vegna átaks á sviði vinnumarkaðsaðgerða og menntunar atvinnuleitenda. Gert er ráð fyrir að þeir 300 einstaklingar sem ekki komast í lánshæft nám vegna átaksins muni fá greiddan framfærslustyrk úr Atvinnuleysistryggingasjóði. Í tillögum að reglum sem stjórn sjóðsins hefur samþykkt kemur fram að framfærslustyrkurinn muni byggjast á grunnframfærslu LÍN að viðbættum 20 þús. kr. styrk fyrir hvert barn á framfæri umsækjanda en þó muni styrkurinn verða skertur í hlutfalli við bótarétt viðkomandi einstaklings. Þar sem grunnframfærsla LÍN um næstu áramót að viðbættum 20 þús. kr. styrk vegna barna verður einungis ívið lægri en grunnbætur atvinnuleysistrygginga er ekki gert ráð fyrir auknum útgjöldum að hálfu ríkissjóðs en alls er áætlað að útgjöld vegna þessara 300 einstaklinga verði um 400 m.kr. Í fjárlagafrumvarpinu hafði ekki verið gert ráð fyrir greiðslu framfærslustyrkjanna en þó var reiknað með þessu fjármagni til Atvinnuleysistryggingasjóðs til greiðslu atvinnuleysisbóta.

 

Eftirfarandi breytingar voru gerðar á framlögum til málefnaflokka ráðuneytisins:

	Frumvarp	Fjárlög	Breyting
	2012	2012
	m.kr.	m.kr.	m.kr.	%
Ráðuneyti	650,6	650,6	0,0	-
Skatta- og tollamál	5.637,5	5.682,5	45,0	1
Lífeyrir, eftirlaun og endurhæfing	8.054,0	8.054,0	0,0	-
Barnabætur, vaxtabætur og eftirlaunauppbætur	25.587,0	25.587,0	0,0	-
Afskrifaðar kröfur og fjármagnstekjuskattur	12.720,0	12.720,0	0,0	-
Verðlagsmál	4.822,0	2.822,0	-2.000,0	-41
Þjónusta við ríkisaðila	2.234,0	2.284,0	50,0	2
Annað	1.550,6	1.570,6	20,0	1
Samtals	61.255,7	59.370,7	-1.885,0	-3
Greitt úr ríkissjóði	50.801,7	48.871,7	-1.930,0	-4
Innheimt af ríkistekjum	2.904,0	2.949,0	45,0	2
Viðskiptahreyfingar	7.550,0	7.550,0	0,0	-
Samtals	61.255,7	59.370,7	-1.885,0	-3

103 Fjársýsla ríkisins.

1.01 Almennur rekstur. Samtals er gert ráð fyrir 26 m.kr. hækkun fjárheimildar á þessum lið. Annars vegar verða millifærðar 14 m.kr. af fjárheimildum til fjárhags– og mannauðskerfa Fjársýslu ríkisins yfir á almennan rekstur embættisins. Hins vegar verða millifærðar 12 m.kr. af fjárheimildum til tekjubókhalds Fjársýslu ríkisins yfir á almennan rekstur embættisins. Fjársýslan vinnur nú sjálf að ýmsum verkefnum varðandi kerfi í hennar umsjón sem áður voru keypt frá utanaðkomandi aðilum. Þetta hefur í för með sér að kostnaður er nú bókaður annars staðar.

1.43 Tekjubókhaldskerfi. Millifærðar verða 12 m.kr. af fjárheimildum til tekjubókhalds Fjársýslu ríkisins yfir á almennan rekstur embættisins. Fjársýslan vinnur nú sjálf að ýmsum verkefnum varðandi kerfi í hennar umsjón sem áður voru keypt frá utanaðkomandi aðilum. Þetta hefur í för með sér að kostnaður er nú bókaður annars staðar.

1.47 Fjárhags– og starfsmannakerfi ríkisins. Millifærðar verði 14 m.kr. af fjárheimildum til fjárhags– og mannauðskerfa Fjársýslu ríkisins yfir á almennan rekstur embættisins. Fjársýslan vinnur nú sjálf að ýmsum verkefnum varðandi kerfi í hennar umsjón sem áður voru keypt frá utanaðkomandi aðilum. Þetta hefur í för með sér að kostnaður er nú bókaður annars staðar.

262 Tollstjórinn.

1.01 Tollstjórinn. Innheimtar ríkistekjur stofnunarinnar verða auknar um 45 m.kr. frá því sem gert var ráð fyrir í frumvarpinu. Samhliða þessu verði útgjaldaheimild hækkuð um sömu upphæð. Endurskoðuð áætlun um umferð um flugvelli og hafnir gerir ráð fyrir enn meiri aukningu en búist var við. Þetta hefur það í för með sér að tekjur stofnunarinnar aukast en á móti þarf að sinna fleiri verkefnum sem hefur líka í för með sér aukinn kostnað embættisins. Fjölga þarf starfsmönnum tímabundið vegna þessa álags auk þess sem búast má við aukinni yfirvinnu.

981 Ýmsar fasteignir ríkissjóðs.

5.21 Viðhald stjórnarráðsbygginga. Veitt er 50 m.kr. tímabundið framlag í tvö ár til viðhalds og endurbóta á Arnarhváli. Húsið er komið til ára sinna og þarfnast viðhalds sem slegið hefur verið á frest um nokkra hríð. Verður ekki hjá því komist lengur að sinna viðhaldi ásamt nauðsynlegum endurbótum.

999 Ýmislegt.

1.24 Fjölskyldu– og styrktarsjóður Félags íslenskra hjúkrunarfræðinga. Veitt er 20 m.kr. framlag vegna bókunar með kjarasamningi fjármálaráðherra f.h. ríkissjóðs og Félags íslenskra hjúkrunarfræðinga sem undirritaður var í júní 2011. Þar er kveðið á um 20 m.kr. framlag í sjóðinn á ári á samningstímanum, þ.e. til 2013.

 

Eftirfarandi breytingar voru gerðar á framlögum til málefnaflokka ráðuneytisins:

	Frumvarp	Fjárlög	Breyting
	2012	2012
	m.kr.	m.kr.	m.kr.	%
Ráðuneyti	220,8	220,8	0,0	-
Iðnaðarmál	1.610,0	1.856,5	246,5	15
Orkumál	1.861,4	1.941,4	80,0	4
Byggðamál	614,1	614,1	0,0	-
Ferðamál	1.013,8	1.034,8	21,0	2
Samtals	5.320,1	5.667,6	347,5	7
Greitt úr ríkissjóði	5.319,2	5.666,7	347,5	7
Innheimt af ríkistekjum	0,9	0,9	0,0	-
Viðskiptahreyfingar	0,0	0,0	0,0	-
Samtals	5.320,1	5.667,6	347,5	7

251 Endurgreiðslur vegna kvikmyndagerðar á Íslandi.

1.10 Endurgreiðslur vegna kvikmyndagerðar á Íslandi. Samþykkt er að fjárveiting til endurgreiðslna vegna kvikmyndagerðar á Íslandi verði hækkuð um 246,5 m.kr. eða úr 153,5 m.kr. í 400 m.kr. Samkvæmt lögum nr. 43/1999, um tímabundnar endurgreiðslur vegna kvikmyndagerðar á Íslandi, er heimilt að endurgreiða 20% af öllum framleiðslukostnaði kvikmynda og sjónvarpsefnis, auk styrkja frá Kvikmyndasjóði þannig að ríkisstyrkur nemi allt að 50%. Í lögunum er gert ráð fyrir að fjárhæð endurgreiðslna sé háð fjárveitingu og kveðið á um að ráðherra sé heimilt að fresta greiðslum vegna samþykktra umsókna umfram fjárheimildir til næsta fjárlagaárs. Lögin fela hins vegar í sér tiltekinn rétt framleiðenda til greiðslna að uppfylltum almennum skilyrðum og því hefur iðnaðarráðherra varla forsendur til að koma í veg fyrir að nýjar skuldbindingar myndist. Reynsla síðustu ára sýnir að útgjöld þessa liðar geta sveiflast milli ára og að það getur verið vandkvæðum bundið að spá fyrir um þróun í umsvifum verkefna. Fá stór verkefni geta þar haft afgerandi áhrif. Eins og fram kemur í skýringum við tillögu við 2. umræðu um fjáraukalagafrumvarp um 120 m.kr. hækkun á fjárheimild ársins 2011 hefur iðnaðarráðuneytið á fyrstu þremur ársfjórðungum þessa árs þegar greitt út þá fjárhæð í framleiðslustyrki umfram fjárveitingu fjárlaga 2011 og afgangsheimild frá fyrra ári. Þessu til viðbótar telur iðnaðarráðuneytið útlit fyrir að skuldbindingar vegna ríkisstyrkja til framleiðslu kvikmynda og sjónvarpsþátta sem fram koma á síðasta ársfjórðungi ársins 2011 geti orðið nálægt 400 m.kr. Skuldbindingar vegna þessara verkefna verði þar með í kringum 700 m.kr. á árinu eða 450% hærri en fjárveiting fjárlaga ársins. Gert er því ráð fyrir að greiðslur vegna þessara viðbótarskuldbindinga fari fram á næsta ári og ekki verður fyrir hendi lagagrundvöllur fyrir því að nýjar skuldbindingar af þessum toga haldi áfram að myndast á næsta ári enda liggur ekki fyrir hvort Alþingi framlengir lögin, sem falla úr gildi að óbreyttu um næstu áramót, og hvort það verði þá í þeirri mynd að nýjar skuldbindingar geti fallið til áður en þessar skuldir hafa verið greiddar.

301 Orkustofnun.

1.01 Orkustofnun. Veittar eru 50 m.kr. til þess að mæta kostnaði vegna verkefna við aukið raforkueftirlit á vegum Orkustofnunar í kjölfar nýlegrar úttektar. Í frumvarpi til laga um breytingu á raforkulögum, nr. 65/2003, er gert ráð fyrir að gjaldtaka aukist um sömu fjárhæð og nemur útgjaldaauka Orkustofnunar.

373 Niðurgreiðslur á húshitun.

1.11 Niðurgreiðslur á hitun íbúðarhúsnæðis. Veitt er 30 m.kr. fjárveiting til þess að hægt verði að ráðast í lagningu hitaveitu frá Reykjum (við Húnavelli) að Skagaströnd. Rarik mundi ráðast í verkefnið en það hefur verið undirbúið af heimamönnum og sveitarfélögum á svæðinu sem hafa unnið að fjármögnun þess. Sú tillaga sem gerð er hér um fjármögnun mun gera kleift að ráðast í framkvæmd verkefnisins. Verkefnið er hluti af Sóknaráætlun fyrir Norðurland vestra.

511 Framkvæmdasjóður ferðamannastaða.

6.41 Framkvæmdasjóður ferðamannastaða. Gert er ráð fyrir 21 m.kr. framlagi til Framkvæmdasjóðs ferðamannastaða vegna endurreiknings á gistináttagjaldi.

Eftirfarandi breytingar voru gerðar á framlögum til málefnaflokka ráðuneytisins:

	Frumvarp	Fjárlög	Breyting
	2012	2012
	m.kr.	m.kr.	m.kr.	%
Ráðuneyti	354,9	404,9	50,0	14
Viðskiptamál	1.904,0	2.455,0	551,0	29
Flutningsjöfnun	630,0	630,0	0,0	-
Hagáætlanir og hagtölur	832,5	883,0	50,5	6
Samtals	3.721,4	4.372,9	651,5	18
Greitt úr ríkissjóði	1.696,3	1.799,8	103,5	6
Innheimt af ríkistekjum	2.025,1	2.573,1	548,0	27
Viðskiptahreyfingar	0,0	0,0	0,0	-
Samtals	3.721,4	4.372,9	651,5	18

 

190 Ýmis verkefni.

1.15 Fastanefndir. Gert er ráð fyrir 50 m.kr. tímabundnu framlagi til að fjármagna eftirlitsnefnd um skuldaaðlögun. Lagt verður fram frumvarp til framlengingar á gildistíma laga nr. 107/2009, um aðgerðir í þágu einstaklinga, heimila og fyrirtækja vegna banka– og gjaldeyrishrunsins, þar sem gert er ráð fyrir að efnahags– og viðskiptaráðherra verði heimilt að framlengja starfstíma eftirlitsnefndar, sem tilgreind er í 4. gr. laganna, og ráðningu starfsmanna sem starfa á ábyrgð og undir handleiðslu nefndarinnar. Áætlað er að kostnaður nefndarinnar á árinu 2012 verði 50 m.kr., þar af 20 m.kr. vegna þriggja nefndarmanna og 30 m.kr. vegna þriggja starfsmanna. Gert er ráð fyrir að kostnaður við rekstur eftirlitsnefndar greiðist úr ríkissjóði en jafnframt að lánastofnanir endurgreiði ríkissjóði kostnaðinn eftir reglum sem efnahags– og viðskiptaráðherra setur.

402 Fjármálaeftirlitið.

1.01 Fjármálaeftirlitið. Fjárheimildir Fjármálaeftirlitsins hækka um 548 m.kr. Á móti þeirri hækkun kemur samsvarandi hækkun á eftirlitsgjaldi fjármálastofnana sem samkvæmt lögum nr. 99/1999 rennur beint til reksturs Fjármálaeftirlitsins og er innheimt af því. Hækkun fjárheimildarinnar hefur því ekki áhrif á afkomu ríkissjóðs. Á hitt er að líta að kostnaður við rekstur eftirlitsins hefur aukist umtalsvert síðan 2007. Í skýrslu rannsóknarnefndar Alþingis var bent á veilur í opinberu eftirliti með starfsemi fjármálastofnana sem brýnt var að bregðast við. Þær veilur voru að hluta til fjársvelti en sneru einnig að viðhorfinu til hlutverks eftirlitsins. Efnahags– og viðskiptaráðherra ber samkvæmt fyrrgreindum lögum að leggja fyrir Alþingi frumvarp til laga um fjárhæð eftirlitsgjald til Fjármálaeftirlitsins og skal það byggt á skýrslu eftirlitsins ásamt áliti samráðsnefndar eftirlitsskyldra aðila. Meiri hluti fjárlaganefndar undirstrikar að Alþingi tekur síðan ákvörðun um fjárheimildir til Fjármálaeftirlitsins enda fer það bæði með löggjafarvald og fjárstjórnarvald og það vald verður ekki útvistað til einstakra stofnana eða embætta þótt sjálfstæð séu í störfum sínum. Meiri hlutinn telur ástæðu til að beina því til efnahags– og viðskiptaráðherra að fram fari óháð mat á starfsemi Fjármálaeftirlitsins í ljósi þeirrar miklu hækkunar sem orðið hefur á fjárheimildum þess undanfarin ár og í kjölfarið verði lög um starfsemina endurskoðuð gefist tilefni til þess.

431 Einkaleyfastofan.

1.01 Einkaleyfastofan. Veitt er 3 m.kr. tímabundið framlag til faggildingarsviðs Einkaleyfastofu. Með lögum nr. 24/2006, um faggildingu o.fl., var að því stefnt að framlag ríkisins til faggildingar mundi lækka árlega í samræmi við fjölgun viðskiptavina og auknar sértekjur. Samkvæmt kostnaðarmati var þó ekki gert ráð fyrir að framlag ríkisins félli alveg niður heldur yrði það takmarkað með þróun nýrra faggildingaráætlana. Áformað er að setja nýja gjaldskrá til þess að koma til móts við fjárskort faggildingarsviðs en hún mun ekki leysa vandann á árinu 2012 þar sem ekki verður unnt að auka þjónustu fyrr en árið 2013.

501 Hagstofa Íslands.

1.01 Hagstofa Íslands. Fjárheimild Hagstofu Íslands hækkar um 55 m.kr. vegna gagnagrunns um fjárhagsstöðu fyrirtækja og heimila og vegna fyrirtækjaskrár til hagskýrslugerðar. Þar af er 20 m.kr. tímabundinn kostnaður árið 2012 við að koma verkefninu af stað, sem lækkar í 10 m.kr. árið 2013 og fellur niður árið 2014. Varanlegar fjárheimildir eru 25 m.kr. til að afla gagna um skuldir heimilanna og 10 m.kr. til að afla gagna um skuldir fyrirtækja. Nauðsynleg forsenda fyrir öflun upplýsinga um skuldir fyrirtækja er að hafin verði vinna við að koma á fót fyrirtækjaskrá til hagskýrslugerðar. Til að hefja þá vinnu árið 2012 er gert ráð fyrir að Hagstofu Íslands verði heimilað að ganga á óráðstafað eigið fé er nemur 30 m.kr. á næsta ári. Eigið fé í árslok 2010 var 96,5 m.kr. samkvæmt fyrirliggjandi frumvarpi til lokafjárlaga fyrir það ár. Áætlað er að hefja gagnaöflun um skuldastöðu heimila í upphafi árs 2012 og verður lögð áhersla á að fá gögn fyrir árið 2011 samhliða. Áformað er að birta niðurstöður fyrir fyrstu þrjá ársfjórðunga 2012 í lok ársins og markar það upphaf reglulegra birtinga. Verði niðurstöður tilbúnar fyrr mun Hagstofan flýta birtingu þeirra. Áætlað er að gagnasöfnun um fjárhagsstöðu fyrirtækja verði að mestu lokið árið 2013. Ekki er hægt að segja nákvæmar um hvenær þau gögn verða tilbúin til birtingar þar sem úrvinnsla þeirra er háð framgangi fyrirtækjatölfræði, einkum fyrirtækjaskrá til hagskýrslugerðar.

Eftirfarandi breytingar voru gerðar á framlögum til málefnaflokka ráðuneytisins:

190 Ýmis verkefni.

1.41 Skrifstofa um vernd gróður– og dýraríkis á norðlægum slóðum, CAFF. Veitt er 0,1 m.kr. fjárveiting til greiðslu fasteignaskatts af húsnæði skrifstofunnar í Borgum á Akureyri. Þegar bygging og rekstur rannsóknarhússins var auglýst til útboðs á sínum tíma lá ekki fyrir hve stóran hlut háskólinn mundi nýta fyrir sína starfsemi og þess vegna var skatturinn tekinn út fyrir sviga. Á þessu var þó tekið í leigusamningum og þar kveðið á um að fasteignaskattur yrði innheimtur sérstaklega eftir að hann hefði verið lagður á hverju sinni. Tafir urðu á því en það hefur nú verið gert. Samþykkt var samsvarandi framlag vegna síðustu fimm ára við 2. umræðu um fjáraukalagafrumvarp fyrir árið 2011.

1.42 Skrifstofa Norðurskautsráðsins um varnir gegn mengun hafsins, PAME. Veitt er 0,1 m.kr. fjárveiting til greiðslu fasteignaskatts af húsnæði skrifstofunnar í Borgum á Akureyri. Þegar bygging og rekstur rannsóknarhússins var auglýst til útboðs á sínum tíma lá ekki fyrir hve stóran hlut háskólinn mundi nýta fyrir sína starfsemi og þess vegna var skatturinn tekinn út fyrir sviga. Á þessu var þó tekið í leigusamningum og þar kveðið á um að fasteignaskattur yrði innheimtur sérstaklega eftir að hann hefði verið lagður á hverju sinni. Tafir urðu á að það yrði en hefur nú verið gert. Samþykkt var samsvarandi framlag vegna síðustu fimm ára við 2. umræðu um fjáraukalagafrumvarp fyrir árið 2011.

1.90 Verkefnastyrkir til frjálsra félagasamtaka. Gert er ráð fyrir 12,6 m.kr. millifærslu á 14–190–1.98 Ýmis framlög umhverfisráðuneytis. Eftir verða 37 m.kr. sem verður úthlutað samkvæmt samræmdum reglum ráðuneytanna sem gerðar voru í samvinnu við fjárlaganefnd Alþingis. Grænfánaverkefnið og rekstrarstyrkir verða undir fjárlagalið 14–190–1.98 Ýmis framlög umhverfisráðuneytis.

1.98 Ýmis framlög umhverfisráðuneytis. Samtals er gert ráð fyrir 22,6 m.kr. hækkun fjárheimildar á þessum lið. Annars vegar eru millifærðar 12,6 m.kr. af 14–190–1.90 Verkefnastyrkir til frjálsra félagasamtaka. Grænfánaverkefnið og rekstrarstyrkir verða undir fjárlagalið 14–190–1.98. Hins vegar er veitt 10 m.kr. tímabundið framlag til aukinna vistvænna innkaupa. Í samræmi við stefnu stjórnvalda frá 2009 um vistvæn innkaup verði gert átak í innleiðingu vistvænna innkaupa meðal allra ráðuneyta og ríkisstofnana. Í því skyni verði fjárveitingar auknar til VINN–verkefna sem lúta sameiginlegri stjórn fulltrúa umhverfisráðuneytis og sveitarfélaga. Ljóst er að án hækkunar fjárveitingar yrði framgangur verksins mjög hægur að óbreyttu.

211 Umhverfisstofnun.

1.01 Umhverfisstofnun. Veitt er 0,5 m.kr. fjárveiting til greiðslu fasteignaskatts af húsnæði stofnunarinnar í Borgum á Akureyri. Þegar bygging og rekstur rannsóknarhússins var auglýst til útboðs á sínum tíma lá ekki fyrir hve stóran hlut háskólinn mundi nýta fyrir sína starfsemi og þess vegna var skatturinn tekinn út fyrir sviga. Á þessu var þó tekið í leigusamningum og þar kveðið á um að fasteignaskattur yrði innheimtur sérstaklega eftir að hann hefði verið lagður á hverju sinni. Tafir urðu á að það yrði en hefur nú verið gert. Samþykkt var samsvarandi framlag vegna síðustu fimm ára við 2. umræðu um fjáraukalagafrumvarp fyrir 2011.

5.41 Þjóðgarðar og friðlýst svæði. Samtals er gert ráð fyrir 20 m.kr. hækkun fjárheimildar á þessum lið. Í fyrsta lagi er veitt 10 m.kr. framlag til Þjóðgarðsins Snæfellsjökuls. Í öðru lagi er veitt 10 m.kr. framlag til Umhverfisstofnunnar, til þjóðgarða og friðlýstra svæða, vegna endurreiknings á gistináttagjaldi. Í þriðja lagi er gert ráð fyrir 5 m.kr. fjárveitingu til að sinna landvörslu, stígagerð og öðrum viðhalds– og rekstrarkostnaði á svæði Dimmuborga og Hverfjalls í Mývatnssveit í kjölfar friðlýsingar þessa svæða sumarið 2011, sbr. samþykkt ríkisstjórnar 10. júní sl. Við gildistöku laga nr. 97/2004, um verndun Mývatns og Laxár í Suður–Þingeyjarsýslu, urðu verulegar breytingar á því svæði sem friðlýst er í Skútustaðahreppi. Eftir gildistöku laganna er friðlýsta svæðið í Mývatnssveit um 140.000 ha að stærð. Ákvæði laganna taka til Mývatns og Laxár með eyjum, hólmum og kvíslum, allt að ósi árinnar við Skjálfanda, ásamt 200 m breiðum bakka meðfram Mývatni öllu og Laxá báðum megin auk annarra votlendissvæða og 200 m bakka meðfram vötnum, ám og lækjum Sortulækjar, Geirastaðahrauns, Sandvatns ytra, Belgjaskógar, Slýja, Neslandatanga, Framengja, Krákár frá Strengjabrekku að Laxá, Grænavatns, Helluvaðsárs og Arnarvatns, ásamt votlendi sem því tilheyrir. Í lögunum var ákvæði til bráðabirgða um að vinna að friðlýsingu þeirra svæða sem mikilvæg eru fyrir lífríki Laxár og Mývatns vegna merkra jarðmyndana og landslagsgerða og voru áðurnefnd svæði friðlýst í samráði við landeigendur og sveitarstjórn Skútustaðahrepps 22. júní sl. Mikilvægt er að samfara friðlýsingu verði m.a. landvörslu, stígagerð og nauðsynlegum framkvæmdum sinnt til verndunar náttúru Íslands.

212 Vatnajökulsþjóðgarður.

1.01 Vatnajökulsþjóðgarður. Gert er ráð fyrir 19 m.kr. fjárveitingu. Hún er annars vegar til að unnt sé að sinna landvörslu, stígagerð og öðrum viðhalds– og rekstrarkostnaði á nýjum svæðum sem tekin hafa verið undir Vatnajökulsþjóðgarð. Um er að ræða Langasjó og Eldgjá og viðbót við svæðið við Lakagíga og Skaftá og verið er að vinna að stækkun svæðisins kringum Jökulsá og Breiðamerkursand. Mikilvægt er að unnt sé að sinna nýjum svæðum sem koma inn í Vatnajökulsþjóðgarð bæði hvað varðar lágmarkslandvörslu, stígagerð og lágmarksframkvæmdir á svæðinu og að þetta sé gert í samráði við landeigendur og sveitarstjórnir til að tryggja verndun svæðanna og náttúru innan þjóðgarðsins. Verulega hefur fjölgað ferðamönnum sem heimsóttu garðinn og áætlað að þeir hafi verið um 300 þús. á árinu 2011. Fjárveitingin er hins vegar til að reka sýningu og sýningaraðstöðu fræðslusýningar á Höfn í Hornafirði. Er þessi sýning rekin í samstarfi við sveitarfélagið á svæðinu.

6.41 Framkvæmdir. Gert er ráð fyrir 30 m.kr. tímabundnu framlagi til undirbúnings, þarfagreiningar og hönnunar á húsi fyrir þekkingarsetur á Kirkjubæjarklaustri. Í kjölfar þeirra áfalla sem byggðin í Skaftárhreppi varð fyrir í Grímsvatnagosinu sl. vor var unnin ítarleg úttekt á innviðum samfélagsins þar og bent á nokkur atriði sem gætu orðið til að styrkja samfélagið sem glímir við alvarlega fólksfækkun. Ein þeirra tillagna sem átti sterkan hljómgrunn heima fyrir var frekari uppbygging Vatnajökulsþjóðgarðs og hugmynd um byggingu þekkingarseturs á Kirkjubæjarklaustri sem m.a. hýsti gestastofu þjóðgarðsins á svæðinu. Fræðslu– og þekkingarstarfsemi sem tengist gestastofu Vatnajökulsþjóðgarðs mun styrkja innviði og stoðir samfélagsins, efla listir og menningu og styrkja ferðaþjónustu svæðisins, ekki síst varðandi möguleika til heilsársstarfsemi. Slík starfsemi mun einnig styrkja landbúnaðinn sem er undirstöðuatvinnugrein svæðisins.

301 Skipulagsstofnun.

1.01 Skipulagsstofnun. Veitt er 6 m.kr. fjárveiting til að styrkja rekstur Skipulagsstofnunar. Stofnunin hefur fengið ný verkefni með tilkomu nýrra skipulagslaga sem og ný verkefni á sviði umhverfismatsáætlana og fer afgreiðslum og leiðbeiningum þar stöðugt fjölgandi. Þá hefur verið reynt að sinna betur leiðbeiningarhlutverki stofnunarinnar og er það hlutverk veigameira en áður vegna breytinga á framkvæmd skipulagsmála með tilkomu nýrra skipulagslaga. Hefur stofnunin viðamiklu hlutverki að gegna við að aðstoða sveitarfélög við vinnu þeirra við gerð skipulagsáætlana. Eins er það mat stofnunarinnar að mikil fjölgun verði á málum og verkefnum á næsta ári sem kallar á meiri vinnu en stofnuninni er unnt að sinna miðað við núverandi mannafla. Þá var ákvæði um sérstaka ráðgjafarnefnd með aðsetur hjá Skipulagsstofnun bætt inn í frumvarpið í meðförum Alþingis sem var ekki með í kostnaðarmati á frumvarpinu.

320 Mannvirkjastofnun.

1.01 Mannvirkjastofnun. Samtals er gert ráð fyrir 63 m.kr. hækkun fjárheimildar á þessum lið. Annars vegar 49 m.kr. hækkun á fjárheimild sem fjármögnuð er með tekjum fyrir yfireftirlit og úrtaksskoðanir á rafveitum. Rafveitueftirlitsgjald er lagt á rafveitur í hlutfalli við heildartekjur þeirra af raforkusölu og leigu mælitækja að frádregnu andvirði aðkeyptrar raforku og virðisaukaskatti. Ítekaðar óskir hafa komið frá orkufyrirtækjunum um að auka eftirlitið sem og ábendingar um að eftirlitið sé hvorki nægjanlegt né í samræmi við innheimt gjöld af orkufyrirtækjunum. Mörg verkefni eru fram undan hjá stofnuninni á sviði rafmagnsöryggis, m.a. var reglum um hönnun og setningu raforkuvirkja og neysluveitna breytt verulega á árinu 2007, tæknilegar reglugerðir felldar úr gildi og fagmönnum heimilað að nota alþjóðlega og evrópska staðla þess í stað. Þýða þarf og staðfæra viðkomandi staðla. Einnig þarf að setja upp rafræna öryggisgátt sem ætlað er að stuðla að öflugra rafmagnsöryggiseftirliti með því að gera gagnaskil skilvirkari, auka öryggi og gæði rafrænna gagna og auðvelda val á aðilum til skoðunar og eftirfylgni skoðana. Hins vegar 14 m.kr. hækkun á fjárheimild sem fjármögnuð er með tekjum fyrir yfireftirlit með rafföngum. Gjaldið er 0,15% af tollverði innfluttrar vöru eða sambærilegum gjaldstofni innlendrar framleiðslu. Mannvirkjastofnun hefur yfireftirlit með raffangaöryggi hér á landi, frá framleiðslu og dreifingu til raflagna í byggingum, en þó fyrst og fremst eftirlit með innfluttum rafföngum. Hlutverk faggiltra skoðunarstofa sem starfa undir umsjón stofnunarinnar er m.a. að hafa eftirlit með rafföngum sem varanlega eru tengd mannvirkjum. Nauðsynlegt er talið að auka markaðseftirlit með rafföngum á markaði hér á landi, m.a. vegna framkominna ábendinga þar um. Jafnframt er talið brýnt að auka eftirlitið í samræmi við tilskipun um rafsegulsamhæfi (EMC) og tilskipun um verndarbúnað og kerfi á sprengihættustöðum (ATEX). Á næsta ári munu Evrópuþjóðir verða með sameiginlegt eftirlitsverkefni með rafföngum sem falla undir LVD– og EMC–tilskipanirnar og munu senda til prófunar ákveðinn fjölda raffanga.

401 Náttúrufræðistofnun Íslands.

1.01 Náttúrufræðistofnun Íslands. Annars vegar er gert ráð fyrir 7,8 m.kr. hækkun fjárheimilda á þessum lið. Í fyrsta lagi er gert ráð fyrir 5,9 m.kr. framlagi til húsaleigu, rafmagns og hita. Samanburður á fjárheimildum stofnunarinnar vegna húsaleigu og raunkostnaði 2011 leiðir í ljós 3,7 m.kr. vöntun á fjárheimild. Leigusamningur stofnunarinnar vegna húsnæðis hennar að Urriðaholti er að hálfu leyti bundinn við gengi evru og að hálfu við vísitölu neysluverðs. Við flutning stofnunarinnar í Urriðaholt var ákveðið að bíða eftir reynslutölum hita– og rafmagnskostnaðar í nýju húsnæði. Þær hafa nú leitt í ljós 2,2 m.kr. hækkun á þessum kostnaði stofnunarinnar á ársgrundvelli. Í öðru lagi er gert ráð fyrir 1,9 m.kr. fjárveitingu til greiðslu fasteignaskatts af húsnæði stofnunarinnar í Borgum á Akureyri. Þegar bygging og rekstur rannsóknarhússins var auglýst til útboðs á sínum tíma lá ekki fyrir hve stóran hlut háskólinn mundi nýta fyrir sína starfsemi og þess vegna var skatturinn tekinn út fyrir sviga. Á þessu var þó tekið í leigusamningum og þar kveðið á um að fasteignaskattur yrði innheimtur sérstaklega eftir að hann hefði verið lagður á hverju sinni. Tafir urðu á því en það hefur nú verið gert. Samþykkt var samsvarandi framlag vegna síðustu fimm ára við 2. umræðu um fjáraukalagafrumvarp fyrir árið 2011. Hins vegar er gert ráð fyrir 70 m.kr. lækkun á sértekjukröfu Náttúrufræðistofnunar Íslands og samsvarandi lækkun útgjalda á þessu viðfangsefni. Áætlað er að sértekjur muni lækka verulega á næsta ári, fyrst og fremst vegna samdráttar í ráðgjafarverkefnum, en einnig vegna lækkunar og niðurfellingar á rannsóknastyrkjum, bæði erlendum og innlendum, sem Náttúrufræðistofnun hefur notið á undanförnum árum. Gert er ráð fyrir að starfsfólk sem sinnt hefur þessum verkefnum muni vinna að Natura 2000–verkefninu á næsta ári.

403 Náttúrustofur.

1.10 Náttúrustofa Neskaupstað. Veitt er 6,4 m.kr. ótímabundið framlag til hverrar náttúrustofu og að aukið framlag til stofunnar verði sett inn í samning milli sveitarfélags hverrar náttúrustofu og umhverfisráðuneytisins þannig að framlag sveitarfélagsins verði 30% af heildarframlagi ríkisins, þ.e. af framlagi ríkisins til rannsókna og rekstrar. Jafnframt verði tilgreint í samningnum hvaða rannsóknum náttúrustofan muni sinna fyrir þetta viðbótarframlag sem og hvernig aðgangi og skilum hennar á rannsóknargögnum til ráðuneytisins og stofnana þess skuli háttað.

1.11 Náttúrustofa Vestmannaeyjum. Veitt er 6,4 m.kr. framlag (ótímabundið). Sjá skýringu við lið 14–403–1.10 Náttúrustofa Neskaupstað.

1.12 Náttúrustofa Bolungarvík. Veitt er 6,4 m.kr. framlag (ótímabundið). Sjá skýringu við lið 14–403–1.10 Náttúrustofa Neskaupstað.

1.13 Náttúrustofa Stykkishólmi. Veitt er 6,4 m.kr. framlag (ótímabundið). Sjá skýringu við lið 14–403–1.10 Náttúrustofa Neskaupstað.

1.14 Náttúrustofa Sauðárkróki. Veitt er 6,4 m.kr. framlag (ótímabundið). Sjá skýringu við lið 14–403–1.10 Náttúrustofa Neskaupstað.

1.15 Náttúrustofa Sandgerði. Veitt er 6,4 m.kr. framlag (ótímabundið). Sjá skýringu við lið 14–403–1.10 Náttúrustofa Neskaupstað.

1.16 Náttúrustofa Húsavík. Veitt er 6,4 m.kr. framlag (ótímabundið). Sjá skýringu við lið 14–403–1.10 Náttúrustofa Neskaupstað. Jafnframt fellur niður 6,4 m.kr. framlag til rannsókna á vegum náttúrustofunnar á Húsavík sem veitt var tímabundið í fjárlögum 2011 en láðist að fella niður í fjárlagafrumvarpinu.

407 Stofnun Vilhjálms Stefánssonar.

1.01 Stofnun Vilhjálms Stefánssonar. Veitt er 0,3 m.kr. fjárveiting til greiðslu fasteignaskatts af húsnæði stofnunarinnar í Borgum á Akureyri. Þegar bygging og rekstur rannsóknarhússins var auglýst til útboðs á sínum tíma lá ekki fyrir hve stóran hlut háskólinn mundi nýta fyrir sína starfsemi og þess vegna var skatturinn tekinn út fyrir sviga. Á þessu var þó tekið í leigusamningum og þar kveðið á um að fasteignaskattur yrði innheimtur sérstaklega eftir að hann hefði verið lagður á hverju sinni. Tafir urðu á að því en það hefur nú verið gert. Samþykkt var samsvarandi framlag vegna síðustu fimm ára við 2. umræðu um fjáraukalagafrumvarpið fyrir árið 2011.

 

Eftirfarandi breytingar voru gerðar á vaxtagjöldum ríkissjóðs:

	Frumvarp	Fjárlög	Breyting
	2012	2012
	m.kr.	m.kr.	m.kr.	%
Vaxtagjöld ríkissjóðs	78.400,0	77.809,0	-591,0	-1
			0,0	-
Samtals	78.400,0	77.809,0	-591,0	-1
Greitt úr ríkissjóði	77.898,0	77.479,0	-419,0	-1
Innheimt af ríkistekjum			0,0	-
Viðskiptahreyfingar	502,0	330,0	-172,0	-34
Samtals	78.400,0	77.809,0	-591,0	-1

801 Vaxtagjöld ríkissjóðs.

1.10 Vaxtagjöld ríkissjóðs. Endurmat á áætlun í nóvember um vaxtagjöld ríkissjóðs árið 2012 felur í sér að útgjöldin verði heldur lægri en gert var ráð fyrir í frumvarpinu, eða sem nemur 591 m.kr. á rekstrargrunni og 419 m.kr. á greiðslugrunni. Lækkun vaxtagjalda ársins 2012 skýrist af því að útgáfa óverðtryggðra ríkisbréfa lækkar á árinu 2011 en á móti hækkar útgáfa verðtryggðra ríkisbréfa. Verðbætur verðtryggðra bréfa færast á endurmatslið í efnahagsreikningi en ekki í rekstrarreikning ríkissjóðs. Aðallega er um að ræða kaup ríkissjóðs á óverðtryggðum RIKH–markflokki í eigu Íbúðalánasjóði þar sem ríkissjóður afhenti á móti verðtryggð bréf úr RIKS–markflokki. Markmið aðgerðarinnar var að draga út verðtryggingaráhættu ÍLS þar sem megnið af skuldbindingum sjóðsins eru verðtryggðar. Einnig voru tilfærslur á milli flokka vegna aðgerða í tengslum við losun gjaldeyrishafta.